لاہور(ایف یو نیوز) سرکار دوعالم ﷺ کی محبت کے بغیر ایمان مکمل نہیں ہو سکتا جس دل میں ان کی محبت بس جائے وہ دنیا کا خوش قسمت ترین انسان ہے ان خیالات کااظہا پاکستان قومی تحریک کے چیئر مین ایم سرورصدیقی نے ایک تقریب سے خطاب کرتے ہوئے کیا۔انہوں نے کہا آج دہشت گرد اور انتہا پسند اسلام کا نام بدنام کررہے ہیں مغربی دنیا نے دہشت گرد ی کو اسلام سے نتھی کردیا ہے حالانکہ ان کا اسلام سے کوئی تعلق نہیں نبئ اکرم ﷺ تورحمتہ اللعالمین ہیں اور ان کے سچے پیرو کار پوری دنیا کو امن کا گہوارا بنانا چاہتے ہیں یہی اسلام کا اصل فلسفہ ہے جس پر عمل پیرا ہوکر ہم ملکی ترقی ،سا لمیت اور استحکام کیلئے کام کرسکتے ہیں سرکار دوعالم ﷺ کی محبت انسان کو پستی سے بچاتی ہے آج ضرورت اس بات کی ہے کہ اس محبت کو فروغ دیا جائے ۔ ایم سرورصدیقی نے کہاہماری بد قسمتی ہے عالم اسلام اتحادو اتفاق سے محروم ہے ،مسلمانوں نے خلفائے راشدین کی تاریخ بھلا دی،فروعی اختلافات، فرقہ واریت،اور ملاازم کی وباء پھیل گئی ہے ،فحاشی اور بے حیائی کو کلچر کا نام دے دیا ہے حالات ہم سے اس عہد کی بھی متقاضی ہیں کہ ہم اپنے اسلاف کے نقش قدم پر چلیں اسی طرح ہمارا کھویا ہوا وقار بحال ہو سکتا ہے۔

QR Code: