تحریر : محمد مظہررشید چودھری

بھارت کی حکمران جماعت بی جے پی کی انتہا پسند گستاخ خاتون کی طرف سے حضرت محمد ﷺ کی شان میں گستاخی کرنے کیخلاف اوکاڑہ میں مذہبی،سیاسی ، تاجر،صحافی ،وکلاءودیگر تنظیموں کی جانب سے تحفظ ناموس رسالت ﷺ ریلیاں نکالی جارہی ہیں ، بعد نماز جمعہ مرکزی امام بارگاہ ایوان حسین ؑ سے شیعہ علماءکونسل پاکستان ضلع اوکاڑہ اور انجمن خدام آل عبا ءکی جانب سے ریلی نکالی گئی جو مقررہ راستوں سے ہوتی ہوئی پریس کلب چوک پر جاکر اختتام پزیر ہوئی جسکی قیادت سابق ضلعی صدر شیعہ علما ءکونسل مولانا محمدصادق روحانی ،سابق سینئر نائب صدر ڈاکٹر سید امجد علی کاظمی ،سید کوثر رضوی ، سید فخر عباس سبزواری ، سید غضنفر عباس قمی ، ممبر امن کمیٹی حبیب اللہ چوراہی ، جبکہ غیرمسلم کمیونٹی کی نمائندگی پادری عوبید کرامت نے کی ، جماعت اہلسنت ، سماجی تنظیم ‘ماڈا’ ، اور سول سوسائٹی کے عہدیداران اور ممبران نے بھی شرکت کی ،مقررین نے ریلی سے خطاب کرتے ہوئے کہا کہ بھارتی بی جے پی کی رکن نوپورشرمانے حضرت محمد ﷺکی شان میں گستاخی کر کے پونے دو ارب مسلمانوں کے دل چھلنی کردئیے ہیں عاشقان رسول ﷺ اضطراب میں ہیں مودی سرکار کی جانب سے ملعونہ کی رکنیت ختم کرنا کافی نہیں ملعونہ کو فوری سزا دی جائے ، سابق ضلعی صدر شیعہ علما ءکونسل مولانا محمدصادق روحانی نے کہا کہ عرب ممالک نے جس طرح بھارتی مصنوعات کا بائیکاٹ کااعلان کیااور اِس گستاخی پر احتجاج کیا ہے قابل تحسین ہے پاکستان کی عوام بھی بھارتی مصنوعات بیچنے اور خریدنے سے اجتناب کریں، انہوں نے کہا کہ نوپورشرما کو گرفتار نہیں کیا گیا تو ہم بھارت پر واضح کردینا چاہتے ہیں آج غازی علم دین شہید کے نقش قدم پر چلتے ہوئے ہم اپنا کردار ادا کرنے کیلئے تیار ہیں ،ناموس رسالت ﷺکے تحفظ کیلئے اگر ہمیں اپنی جانیں بھی قربان کرنا پڑیں تو ہمارے لئے بڑی سعادت ہوگی ہم سرحدوں پر کفن باندھ کر ناموس رسالت ﷺ کا تحفظ کریں گے ، انجمن خدام آل عبا ءکے سید کوثر رضوی نے خطاب کرتے ہوئے کہا کہ احتجاج کرنے والے مسلمانوں پر بھارت میںجو ظلم اور تشدد ہورہا ہے ہم اسکی بھر پور مذمت کرتے ہیں ، خاتم النبیین حضرت محمد ﷺنے ہمیشہ امن کا پیغام دیا اور مسلمانوں نے کبھی کسی کی مذہبی دل آزاری یا گستاخی نہیں کی جبکہ اسلام مخالف بیانات ناقابل برداشت ہیں انہوں نے کہا کہ حضرت محمدﷺ کے پروانے ناموس رسالت ﷺپر کٹ مرنا جانتے ہیں اور ناموس رسالت ﷺکا دفاع ہر قیمت پر کریں گے حکومت کو چاہیئے کہ وہ بھارت سے فوری طور سفارتی و تجارتی تعلقات ختم کرے،جماعت اسلامی، جمعیت علماءاسلام( ف)، کسان بورڈ پاکستان اور انجمن تاجران اوکاڑہ کی جانب سے ریلیاں نکالی گئیں جو مختلف شاہراوں سے ہوتی ہوئی پریس کلب چوک پہنچ کر اختتام پذیر ہوئیں دیپالپور میں مرکزی ریلی صاحبزادہ قاری حسان صدیقی کی قیادت میں جامعہ ریاض الجنہ سے برآمد ہوئی جو مختلف شاہراﺅں سے ہوتی ہوئی مدینہ چوک پہنچ کر اختتام پذیر ہوئی ریلی کے شرکاءنے پلے کارڈ اور بینرز اٹھا رکھے تھے جن ہر بھارت مخالف نعرے درج تھے ریلی کے شرکاءسے خطاب کرتے ہوئے صاحبزادہ قاری حسان صدیقی نے کہا کہ شان رسالت محمد ﷺہر مسلمان کے ایمان کا حصہ ہے اور اس کی حفاظت بھی تمام مسلمانوں کس بنیادی فریضہ ہے ،بھارت کو ہوش کے ناخن لینے چاہیں اور گستاخی کی مرتکب خاتون کو اپنے اس عمل پر معافی مانگنی چاہیے٭

QR Code: