گڑھ مہاراجہ پولیس نے ناقص دہی او لسی فروخت کرنے والوں کے خلاف مقدمہ درج کر لیا
جھنگ (حبیب الرحمن) گڑھ مہاراجہ پولیس نے ناقص دہی اور لسی فروخت کرنے والے دکانداروں کے خلاف مقدمہ درج کر لیا ہے۔یہ مقدمہ ڈسٹرکٹ کوآرڈی نیشن آفیسر غازی امان اللہ کی ہدایت پر درج کیا گیا ہے۔یاد رہے کہ گڑھ مہاراجہ کے علاقہ میں مضر صحت دہی اور لسی کے استعمال سے 12افراد متاثر ہوئے تھے جنہیں علاج کے لئے فوری طور پر ہسپتال منتقل کیا گیا۔ہسپتال انتظامیہ کے مطابق تمام مریضوں کو فوری طبی امداد کے بعد فارغ کر دیا گیا ہے۔ڈی سی او نے اس واقعہ کا نوٹس لیتے ہوئے ناقص دہیاور لسی فروخت کرنے والے افراد کے خلاف کاروائی کرنے کا حکم دیا تھا۔
Short URL: http://tinyurl.com/z9d9u3y
QR Code: 
