تحریر: محمد مظہر رشید چودھری

محکمہ صحت پرائمری و سکینڈری ہیلتھ کیئر پنجاب کے زیراہتمام گلوبل بریسٹ فیڈنگ ویک یکم اگست سے سات اگست تک منایا جاتا ہے ، امسال محکمہ صحت حکومت پنجاب کی جانب سے 29اگست سے 3ستمبر2022 تک یہ ہفتہ منایا جائے گا جس میں ماں کے دودھ کی اہمیت و افادیت اور بچوں کی نشو و نما کے حوالے سے شعور اجاگر کیا جائے گا، 2022ءکے بریسٹ فیڈنگ ویک کا سلوگن ”سٹیپ اپ فاربریسٹ فیڈنگ، ایجوکیٹ اینڈ سپورٹ“ ہے۔یہ ہفتہ منانے کا آغاز 1991ءمیں ہوا جبکہ باضابطہ طور پر 1992ءسے عالمی پیمانے پر بریسٹ فیڈنگ ویک منایا جاتا ہے، اس ہفتے کو منانے کے پیچھے یہ مقصد ہے کہ زیادہ سے زیادہ ماﺅں کو اپنے بچوں کو اپنا دودھ پلانے کی طرف راغب کرنا ہے۔سانچ کے قارئین کرام ! ماں اور بچے کی صحت کے حوالہ سے محکمہ صحت کی جانب سے سال بھرمختلف سرگرمیاں جاری رہتی ہیں اس سلسلہ میں ولڈ ہیلتھ آرگنائزیشن ہر سال حاملہ خواتین اور نوزائیدہ بچوں کی شرح اموات کے حوالہ سے رپورٹ بھی جاری کرتا ہے جس کابنیادی مقصد ماں بننے والی خواتین کی صحت کے لئے اقدامات پر زور دینا ہوتا ہے تاکہ بچے کی پیدائش کے بعدا±سکی بہتر صحت اور نشو نما کے لئے ماں اپنا بھر پور کردار صحت مندی کے ساتھ سرانجام دے سکے ،پاکستان میں بچوں کی بڑی تعدادایسی بھی ہے جو اپنی پیدائش کے بعد صحت کے معیار پر پورا نہیں اترتی ڈاکٹروں کے مطابق اسکی بڑی وجہ خواتین میں دوران حمل خوراک میں لاپرواہی کا مظاہرہ کرنا ہے اسکی سب سے اہم وجہ پاکستان میں بہت بڑے طبقے کا مشکل سے گزر بسر ہونا ہے جسکی وجہ سے خواتین دو وقت کی روٹی کے لئے سخت محنت کرتی ہیں دوران حمل وہ کھیتوں ، سکولوں ،کالجوں، دفتروں ،اسپتالوں ، گھروں میں بھی کام کرتی ہیں جس سے ا±نکے گھر کا خرچہ چلتا ہے اور وہ اپنے اوپر کم خرچ کرتی ہیں ، ایک نئی تحقیق کے مطابق دنیا کے ترقی پذیر ممالک میں ہر سال تقریباً تین لاکھ خواتین سی سیکشن کے نتیجے میں اپنی زندگی سے ہاتھ دھو بیٹھتی ہیں،عالمی ادارہ صحت کے مطابق حاملہ ہونے کی وجہ سے یا پیدائش کے عمل سے جڑے مسائل کی وجہ سے روزانہ 803 عورتیں ہلاک ہو جاتی ہیں، یعنی کہ ہر سال تین لاکھ کے قریب خواتین دوران حمل یا بچے کی پیدائش کے بعد مختلف پچیدگیوں کی وجہ سے موت کے منہ میں چلی جاتی ہیں ،اقوام متحدہ کے اعداد و شمار کے مطابق جنوبی ایشیائی ممالک میں پاکستان میں زچگی کے دوران ماو¿ں کے ہلاک ہونے کا تناسب سب سے زیادہ ہے، ہر پانچ میں سے ایک خاتون کو زچگی کے دوران پیچیدگی کا سامنا کرنا پڑتا ہے۔کہا جاتا ہے کہ عورت صحت مند ہوگی توپیدا ہونے والا بچہ بھی صحت مند ہو گا ماں کی غذا اور نگہداشت دورانِ حمل بہت اہمیت رکھتی ہے، کیوں کہ بچے کی نشوونما ماں کی غذا پر منحصر ہوتی ہے ، سانچ کے قارئین کرام ! ڈپٹی کمشنر اوکاڑہ عرفان علی کاٹھیا نے اس ہفتے کے حوالہ سے راقم الحروف سے گفتگو کرتے ہوئے کہا کہ اُنتیس ا گست سے 3ستمبر2022 تک ضلع بھر میں بریسٹ فیڈنگ کی اہمیت و افادیت کے بارے عوام الناس میں بھر پور آگہی کے لیے یہ ہفتہ منایا جا رہا ہے اس ہفتہ میں محکمہ صحت کی طرف سے تعینات لیڈی ہیلتھ ورکرز دودھ پلانے والی خواتین میں بچوں کے لئے دو سال تک صرف ماں کا دودھ لازمی قرار دینے کا شعور بیدار کریں گی ،تمام سرکاری ہسپتالوں میں اسپیشل کاو¿نٹر لگائے جائیں گے جہاں محکمہ صحت کا تر بیت یافتہ اسٹاف موجود ہوگا جو کہ بچوں کو بریسٹ فیڈنگ کروانے والی ماو¿ں کو درپیش مسا ئل کی نشاندہی کرتے ہوئے اور اس کا مناسب علاج و ہدایات بھی فراہم کرے گا، خاص طورپر ہسپتال آنے والی خواتین میں بچوں کے لئے ماں کے دودھ کی اہمیت کو بھی اجاگر کیا جائے گا ، ڈسٹرکٹ اور تحصیل لیول پر سیمینار منعقد کروائے جائیں گے،جہاں بتایا جائے گا کہ ماں کے دودھ میں جراثیم کو مارنے والے اجزا ہوتے ہیں جو بچے کو مختلف بیماریوں سے محفوظ رکھتے ہیں ،لہذااپنے بچے کو مقررہ مدت تک دودھ پالنے والی مائیں جان لیو ا اور خطرناک بیماریوں سے بھی محفوظ رہتی ہیں۔

حکومت پنجاب کی ہدایت پر ماں اور بچے کی صحت کے عالمی دن کے حوالہ سے یہ ہفتہ منایا جارہاہے ، چیف ایگزیکٹو آفیسر ڈسٹرکٹ ہیلتھ اتھارٹی ڈاکٹر مہار اختر حسین نے راقم الحروف سے گفتگو کرتے ہوئے کہا کہ پرنٹ الیکٹرانک میڈیا سے وابستہ افراد اور ادارے اس آگہی مہم کو کامیاب کروانے کے لیے عوام میں شعور بیدار کریں،انہوں نے کہا کہ ماں کا دودھ بچے کے لیے انمو ل تحفہ ہے اس لیے بچے کی پیدائش کے ایک گھنٹہ کے اند ر اندر بچے کو ماں کا دودھ ضرور پلایا جائے اور چھ ماہ تک ماں کے دودھ کے علاوہ کوئی چیز نہ دی جائے اس عمل سے بچے میں قوت مدافعت سمیت بچے کومختلف بیماریوں سے محفوظ رکھا جا سکتا ہے، انہوں نے کہا کہ قرآن مجید میں ماں کے دودھ کے متعلق واضح احکامات موجود ہیں جدید سائنس نے بھی بچے کے لیے ماں کے دودھ کی افادیت کو مسلمہ حقیقت قرار دیا ہے ،لہذا ہم سب کا فرض ہے کہ آنے والی نسل کو مختلف بیماریوں سے محفوظ رکھنے کے لئے قرآن مجید کے احکامات پر سختی سے کاربند ہوتے ہوئے پیدائش سے دوسال کی عمر تک مائیں اپنے بچوں کو دودھ پلائیں، شہر اوکاڑہ میں راقم الحروف کو (آئی آر ایم این سی ایچ ) اوکاڑہ کی جانب سے ایک سیمینار میں خصوصی طور پرمدعو کیا گیا جس میں نوزائیدہ بچے کے لئے ماں کے دودھ کی افادیت کے متعلق آگہی دی گئی ،چیف ایگزیکٹو آفیسرڈسٹرکٹ ہیلتھ اتھارٹی ڈاکٹرمہار اختر حسین ، ڈسٹرکٹ ہیلتھ آفیسر سجاد حسین گیلانی ،ڈاکٹر ذوالفقار علی ،مانٹیرنگ آفیسر افضل کامیانہ نے گلوبل بریسٹ فیڈنگ کے حوالہ سے منعقدہ سیمینار سے خطاب کرتے ہوئے کہا کہ قرآن مجید میں ماں کے دودھ کے متعلق واضح احکامات موجود ہیں جدید سائنس نے بھی بچے کے لیے ماں کے دودھ کی افادیت کو مسلمہ حقیقت قرار دیا ہے بطور مسلمان ہم سب خو ش قسمت ہیں کہ اللہ تعالی نے ہمیں ہدایت اور رہنمائی کے لیے پیغمبر اسلام حضرت محمد ﷺ پر وہ کتاب نازل کی جو رہتی دنیا تک روشنی کا مینار ہے جس میں ماں کو دوسال تک اپنے بچے کو دودھ پلانے کے احکامات موجود ہیں ماں اور بچے کا رشتہ انمول و اٹوٹ ہے ماں اگر اپنے بچے کو باقاعدہ دودھ پلاتی ہے تو وہ اسکی صحت کے لیے بھی اتنا ہے فائدہ مند ہے جتنا کہ معصوم بچے کی صحت کے لیے ہے ،اس موقع پر صدر” ماڈا” راقم الحروف (محمد مظہررشید چودھری) ، جنرل سیکرٹری ریجنل یونین آف جرنلسٹس پاکستان عابد حسین مغل ،سینئر صحافی اظہر شیخ اور میاں شیراز، لیڈی ہیلتھ سپر وائزر ز، این جی اوز کے نمائندوں سمیت دیگر متعلقہ افسران کثیر تعدادموجود تھی ،مقررین کا کہنا تھا کہ محکمہ صحت کے افسران و عملہ ضلع میں جاری گلوبل بریسٹ فیڈنگ ویک کے دوران مراکز صحت پر آنے والی خواتین کو بریسٹ فیڈنگ کی افادیت بارے مکمل آگہی فراہم کریں تاکہ عوام الناس کو ماں کے دودھ کی اہمیت اور بچے کے لئے اس کے فوائد کے بارے میں معلوم ہو سکے ، اس ہفتہ میں ماں کے دودھ اور بچے کی صحت سے متعلق اہمیت و افادیت کے بارے میں آگاہی لیکچرز بھی دئیے جائیں گے، اللہ تعالی نے پیدائش سے لے کر تقریباََ چھ ماہ تک بچے کی مکمل غذا ماں کے دودھ میں رکھ دی ہے چھ ماہ تک بچے کوماں کے دودھ کے علاوہ کسی اور چیز کی ضرورت نہیں ہوتی یہاں تک کہ پانی بھی ضروری نہیں جو ماں اپنے بچے کو اپنا دودھ پلاتی ہے وہ خود بھی بہت سے بیماریوں سے محفوظ رہتی ہے اس موقع پر گلوبل بریسٹ فیڈنگ کے بارے میں آگہی بینرز و پوسٹر بھی آویزاں کئے گئے تھے تقریب کے اختتام پر گلوبل بریسٹ فیڈنگ ویک کے حوالے سے علامتی آگاہی واک بھی کی گئی ،ماں اپنے نوزائیدہ بچے کو دودھ پلا کر بے شمار بیماروں سے محفوظ رکھ سکتی ہے ، ماں کا دودھ بچے کے لئے نایاب تحفہ ہے، عوام میں اس ہفتے کے حوالہ سے شعور کو بیدار کرنے کے لیے سابق صوبائی وزیر و رہنما پاکستان تحریک انصاف پیر سید صمصام علی شاہ بخاری کی قیادت میں پاکستان تحریک انصاف کے ٹکٹ ہولڈز چودھری عبداللہ طاہر ، چودھری سلیم صادق ، چودھری طارق ارشاد ،راﺅ حسن سکندر، خرم جہانگیر وٹو، رائے حماد اسلم کھرل ا ودیگرنے محکمہ صحت کے زیر اہتمام ڈسٹرکٹ کمپلیکس میں ماں بچہ کی صحت اور 29 اگست سے شرو ع ہونے والے بریسٹ فیڈنگ ویک آگہی واک میں بھی شرکت کی٭

QR Code: