پانچویں مغل بادشاہ شہاب الدین محمدشاہ جہاں کو۔۔۔ کون نہیں جانتا دنیا کے سات عجائب میں شامل ایک عجوبہ تاج محل اسی نے تعمیر کروایا تھا لاہورکا شالامارباغ ،جامعہ مسجد اور لال قلعہ دہلی بھی اسی کے شاہکارہیں شاہ جہاں اپنے بڑے بیٹے داراشکوہ کو اپنا جانشین بنانا چاہتا تھا لیکن دوسرے بیٹے اورنگ زیبؒ عالمگیر نے اپنی فہم و فراست ،بہتر منصوبہ بندی اور جنگی حکمتِ عملی سے نہ صرف اپنے حریف داراشکوہ کو شکست سے دوچارکردیا اس جنگ میں داراشکوہ مارا گیا بلکہ اورنگ زیبؒ عالمگیر نے اپنے والدشاہ جہاں کو گرفتارکرکے گوالیارکے قلعہ میں قید کردیا اورنگ زیبؒ عالمگیرہرماہ اپنے باپ کی خبر گیری کیلئے اس سے ملنے جایا کرتا تھا ایک مرتبہ ملاقات کے دوران شاہ جہاں نے اپنے بیٹے سے کہا’’اس قیدِ تنہائی سے میں تنگ آگیاہوں وقت ہے کہ گذرتاہی نہیں کچھ بچے قلعہ میں بھیج دیں میں ان کو پڑھا لکھا کر دل لگا لوں گایہ سن کر اورنگ زیبؒ عالمگیر مسکرایا اور شاہ جہاں کے کندھے پر ہاتھ رکھ کر جو الفاظ کہے وہ تاریخ بن گئی اورنگ زیبؒ نے کہا ‘‘قید میں بھی بادشاہت کی خو نہیں گئی اب آپ بچوں پر حکومت کرنا چاہتے ہیں‘‘ حقیقتاً حکومت ہے ہی ایسی چیز جس سے دل بھرتا ہی نہیں حکومت کے حق اور مخالفت میں لوگ ہی نہیں سوچیں بھی تقسیم ہو جاتی ہیں ہر گھر میں بحث،مباحثہ ہر گھر میں اپوزیشن پاکستان میں یہی کچھ ہوتا آیاہے اور یہی کچھ ہونے والا ہے۔مسلم لیگ ن کی حکومت نے تاریح میں پہلی مرتبہ اقتدار کے تین سال مکمل کرلئے یعنی میاں نوازشریف نے بطورِ وزیرِ اعظم اپنا عہد برقراررکھا تیسری بار وزیرِ اعظم بننے والی شخصیت نے تین سال پورے کرلئے یہ سال اس لحاظ سے موجودہ حکمرانوں کیلئے خوش قسمتی لے کر آیا ہے لیکن برسراقتدار مسلم لیگ ن اور اس کے اتحادیوں نے تین سال مکمل ہونے پر یومِ جمہوریت دھوم دھڑلے سے نہیں منایا شاید وزیر اعطم کی اوپن ہارٹ سرجری کے باعث ایسا ممکن نہ ہوا ہو بہرحال مسلم لیگی خوش ہیں لیکن ان سے زیادہ مولانا فضل الرحمن خوش ہیں جن کے گلشن کا کاروبار میاں نوازشریف کی وجہ سے چل رہا ہے یا پھل اور پھول رہا ہے۔میاں نوازشریف کی پوری سیاسی زندگی ہنگاموں سے بھرپورہے ۔ آپ پنجاب کے وزیرِ اعلیٰ بنے تو وزیرِ اعظم بے نظیر بھٹو کو تگنی کا ناچ نچادیا،جسٹس سجادعلی شاہ، غلام اسحاق خان،صدرفاروق لغاری اور پرویزمشرف سے ان کی بنائے نہ بنی صرف آصف زرداری واحد ایسے فرد ہیں جو ان کے حریف بھی ہیں اور حلیف بھی شاید ان دونوں نے اقتدار کے نسخ�ۂ کیمیاکارازپالیاہے اور میثاقِ جمہوریت کا جادو ان کے سر پر چڑھ کربول رہاہے شاید اسی بناء پر میاں نوازشریف اور آصف زرداری کے دل سے اقتدارکی خو نہیں جارہی بلکہ وہ بچوں کی طرح بضد ہیں کہ اپنی اس بادشاہت میں کسی عمران خان کو نہیں آنے دیں گے اس لئے اقتدارکی بساط پر صرف مسلم لیگ ن اور پیپلز پارٹی ہی کھل کر کھیل رہی ہے سیاسی شطرنج کے جتنے مہرے بھی ہیں وہ ان دونوں جماعتوں کے ہاتھوں کی کٹھ پتلیاں ہیں یہ بات جتنی جلدی عمران خان کو سمجھ میں آجائے اتناہی ان کے حق میں بہترہے ۔پانامہ لیکس کاطوفان جب میاں نواز شریف کی حکومت کو عملاً مفلوج کرنے والا تھا پیپلزپارٹی نے متحدہ اپوزیشن کے نام پرایسا حکر چلایا کہ عمران خان ان کے چکر میں آگئے مثلاً جب اپوزیشن کے پرزور احتجاج پر میاں نوازشریف نے پارلیمنٹ سے خطاب کیا تحریکِ انصاف کا پروگرام تھا عمران خان جوابی تقریر کرکے حساب چکتاکرکے حکمران جماعت کو ٹف ٹائم دیں گے لیکن ہوا کیا متحدہ اپوزیشن نے اس کے فوراً بعد سیشن کا بائیکاٹ کردیا نتیجہ یہ نکلا عمران خان تقریربھی نہ کرسکے اور وزیرِ اعظم کو فری ہینڈ مل گیا اس کے بعد وزیر اعطم کی اوپن ہارٹ سرجری پانامہ لیکس کے غبارے سے ہوا نکال کررکھ دی ماہِ رمضان میں ہرقسم کی سیاسی سرگرمیاں مفلوج ہوکررہ جاتی ہیں اوریوں معاملہ ہوجائے گا ٹائیں ٹائیں فش پھر کون جیتاہے تری زلف کے سر ہونے تک۔اس وقت سیاسی منظرنامہ یہ ہے کہ اپوزیشن میں شامل تحریکِ انصاف نے پانامہ لیکس کے خلاف محاذ گرم کررکھا ہے جبکہ عوامی مسلم لیگ کے شیخ رشید نے نواز شریف گورنمنٹ کو ہدف بنایاہواہے ،جماعت اسلامی حکومتی پالیسیوں اور کرپشن کے خلاف سیخ پاہے اور شیخ الاسلام پروفیسر ڈاکٹر طاہر القادری کی پاکستان عوامی تحریک کبھی کبھی باسی کڑھی میں ابال لاکر ماحول گرم کردیتی ہے پیپلز پارٹی کے انپے مفادات ہیں ان کی سیاست جمہوریت کو خطرے میں نہیں ڈال سکتی اس لئے وہ میاں نوازشریف کے ساتھ ہے ان تین چار جماعتوں یا شخصیات کے علاوہ کہیں اپوزیشن نظر نہیں آتی اسی انداز میں سابقہ صدرآصف زرداری نے بھی اپنے عزم کو دہرایاہے کہ عام انتخابات میں دھاندلی کے باوجود ہم میاں نوازشریف کے ساتھ ہیں اب یہ تو ہمیں معلوم نہیں خطرہ جمہوریت کو ہے یا سیاستدانوں کو لیکن ایک بات ہے جب سے موجودہ عام انتخابات ہوئے ہیں عمران خان مسلسل رولا ڈال رہے ہیں کہ دھاندلی ہوئی ہے چارحلقوں میں انتظامی بد انتظامیاں،جعلی ووٹ، اور غیرتصدیق شدہ ووٹر کی تصدیق نادرا نے بھی کردی ہے سابقہ صدرآصف زرداری بھی یہ فرمارہے ہیں کہ عام انتخابات میں دھاندلی کے باوجود ہم میاں نوازشریف کے ساتھ ہیں‘‘ تو دال میں کالا ہو سکتاہے لیکن سوال یہ پیدا ہوتاہے ا تنی منظم دھاندلی کیونکرہو سکتی ہے؟ عدلیہ اور فوج مملکت کے بڑے ستون ہیں وہ ایک پارٹی کی حمایت میں کیوں اس حد سے گذر جائیں گے اب رہی شیخ الاسلام پروفیسر ڈاکٹر طاہر القادری کی بات تووہ تو شروع سے ان انتخابات کو فراڈ الیکشن قراردے رہے ہیں ان کا کہناہے موجودہ سسٹم کے تحت الیکشن سے کوئی تبدیلی نہیں آسکتی وہی ٹیکس چور، وہی قومی خزانہ لوٹنے والے بڑے بڑے مگر مچھ، موروثی سیاستدان اسمبلیوں میں پہنچ جائیں گے عوام اور مسائل وہی رہیں گے۔شیخ الاسلام پروفیسر ڈاکٹر طاہر القادری کا یہ بھی کہنا تھا مروج انتخابی نظام سے عام آدمی کا استحصال ہورہاہے باری کی سیاست ملک و قوم کیلئے خطرناک ہے ساری باتیں اپنی جگہ درست ہے لیکن یہ بھی ناقابل تردید سچائی ہے موجودہ حکومت کو فی الحال کوئی خطرہ نہیں آرمی چیف اور چیف جسٹس آف پاکستان بھی کرپشن کے خلاف بیانات جاری کرچکے ہیں آرمی چیف نے تو کرپشن پر فوجی افسروں کو ڈس مس کرکے ایک نئی مثال قائم کردی ہے بہرحال عید کے بعد سیاسی ٹمپریچر بڑھنے کی پیش گوئی کی جا سکتی ہے اس سے حالات خراب ہوئے تو تبدیلی دو طرح سے آ سکتی ہے ایک جنرل وحیدکاکڑ کے سے انداز میں وزیرِ اعظم کی عزت سے گھرواپسی،نئے انتخابات یا پھر پرویز مشرف سٹائل میں سب کچھ فنش میاں نوازشریف کا کمال یہ ہونا چاہیے وہ فہم و فراست اور تدبرسے تبدیلی کے دونوں راستے بند کردیں لیکن اس کیلئے اپوزیشن جماعتوں کی بے چینی دور کرنا بھی ان کا فرض ہے اب دیکھیں میاں نوازشریف کون سا راستہ اختیارکرتے ہیں اور عمران خان دارا شکوہ ثابت ہوتے ہیں یا اورنگ زیب۔اس کا فیصلہ وقت کرے گا۔
