لاہور(ایف یو نیوز)میاں نواز شریف کی قیادت میں آج الحمداللہ پاکستان کا دفاع ناقابلِ تسخیرہے ان خیالات کااظہار مسلم لیگ ن ٹریڈرزونگ پنجاب کے جنرل سیکرٹری الحاج زبیراحمدنے میڈیا سے بات چیت کرتے ہوئے کیا۔انہوں نے کہا بھارت نے پاکستان کو کبھی دل سے قبول نہیں کیا اسی لئے وہ سرحدی جارحیت کرتارہتا ہے لیکن وہ جان لے پاکستانی قوم مادرِ وطن کی حفاظت کیلئے کسی قربانی سے دریع نہیں کرے گی۔ الحاج زبیراحمدنے کہا مسئلہ کشمیر پر میاں نواز شریف حکومت نے دوٹوک موقف اختیارکرکے عوام کے دل مو ہ لئے ہیں ہم بھارت کی گیڈر بھبکیوں سے گھبرانے والے نہیں اسے یادرکھنا چاہیے کہ ستمبرکی جنگ میں پاکستانی فوج نے جرأت،بہادری اور شجاعت کی نئی تاریخ رقم کی تھی موجودہ حکومت پاکستان کی ترقی، استحکام اور سا لمیت کیلئے جو انقلابی اقدامات کررہی ہے اس سے ہرپاکستانی دلی طورپر مطمئن ہے ۔
