داؤدخیل (نامہ نگار) داؤدخیل میں واپڈا کی نااہلی کی وجہ سے غریب محنت کش ہزاروں روپے مالیت کے گھوڑاسے محروم ہو گیا۔ تفصیلات کے مطابق محلہ داؤ خیل میں گزشتہ روز ہونے والی بارشوں اور آندھی کے باعث بجلی کی تار گلی میں گر گئی۔ محلہ مکینوں نے کئی بار محکمہ واپڈا کے اہلکاروں کو اطلاع دی لیکن اطلاع پر کان نہیں دھرے گئے۔گزشتہ صبح جہانگیر نامی غریب محنت کش اپناگھوڑا گاڑی لیکر مزدوری کے لیے نکلا تو اس کا گھوڑا بجلی کی تار سے چھو جانے کی وجہ سے موقع پر ہی دَم توڑگیا۔ خوش قسمتی سے محنت کش کو جھٹکا لگنے سے وہ نیچے گر گیا ۔ ا سکا ہزاروں روپے مالیت کا گھوڑا جو اس کی مزدوری کا واحد ذریعہ تھا مر گیا۔ اہل محلہ نے واپڈا کے خلاف سخت احتجاج کیا اور ایکسین واپڈا سے مطالبہ کیا کہ اس واقعہ کے ذمے دار واپڈا اہلکاروں کے خلاف قانونی کارروائی عمل میں لائی جائے ۔ غریب مزدور جہانگیر کے ہونے والے نقصان کا محکمہ واپڈا ازالہ کرے۔ورنہ ہم قانونی چارہ جوئی بھی کریں گے اور احتجاج بھی کریں گے۔
