پپلاں(محمد رضوان آکاش) موجودہ وفاقی حکومت کی طرف سے بینکوں کی ٹرانزیکشن پر ود ہولڈنگ ٹیکس کا نفاذ پوری تاجر برادری اور کاروباری طبقہ پر ایک خوفناک اقتصادی ڈرون حملہ اور تاجر دشمنی کی مثال ہے اور ایسے اقدامات سے بینکوں کے دیوالیہ ہونے کا اندیشہ ہے اور پوری تاجر برادری اور کاروباری طبقہ کی طرف سے اس غیر دانشمندانہ فیصلہ کو مسترد کر دیا گیا ہے ان خیالات کا اظہار انجمن تاجراں حافظ والہ کے صدر حافظ ملک جا وید اعوان نائب صدر عابد خان بلوچ حاجی ملک شیر خان کنیال، خان خواص خان ٹائر ورکس غلام حیدر سٹیل ورکس سمیت دیگر درجنوں تاجروں اور کاروباری لوگوں سمیت شہریوں نے اپنے تاثرات دیتے ہوئے کیا انہوں نے مزید کہا کہ تمام تاجر برادری نے الیکشن میں مسلم لیگ ن کو سپورٹ کیا اور تاجروں کے ووٹوں سے ہی مسلم لیگ ن کو اقتدار ملا لیکن یہ جب بھی اقتدار میں آتے ہیں چھوٹے تاجروں اور سرکاری ملازمین کے خلاف ایسی پالیسی بناتے ہیں جو انہیں زندہ درگور کرنے کے مترادف ہے اور موجودہ حکومت نے اگر فوری طور پر بینکوں کی ٹرانزیکشن پر لاگو کیئے جانے والے ود ہولڈنگ ٹیکس کو ختم نہ کیا تو لوگ بینکوں میں جمع شدہ اپنی رقم نکلوانے پر مجبور ہونگے اور تمام بینک دیوالیہ ہو جائیں گے اس لیئے حکومت فوری طو ر پر تاجر اور کاروباری طبقہ کے خلاف کیئے جانے والے اس غیر دانشمندانہ فیصلہ کو واپس لے۔
