پپلاں( محمد رضوان آکاش) بلدیاتی الیکشن کے اُمیدواروں کا انتخاب کرنے اور ٹکٹوں کی تقسیم کے لیے پاکستان مسلم لیگ ن میانوالی کے تشکیل کردہ پارلیمانی بورڈ میں جن عہدیداروں کو بطور ممبر شامل کیا گیا ہے اس سے یہ بات ثابت ہو گئی ہے کہ اب مسلم لیگ ن میں قربانیاں دینے والے پرانے اور نظریاتی ورکروں کی بجائے حلوہ پلاؤ کھلانے اور کھانے والے گروپ کے علاوہ حکیم ایوب قریشی کے حواریوں اور خوشامدیوں کو خوش کرنے کی کوشش کی جا رہی ہے اور جب سے حکیم ایوب قریشی نے ضلعی جنرل سیکریٹری میانوالی کا عہدہ سنبھالا ہے اس نے صرف اور صرف مسلم لیگ ن کو تباہ کرنے میں کوئی کثر نہیں چھوڑی جو اپنے حواریوں اور حاشیہ برداروں کو خوش کرنے کے لیئے تنظیمی منشور کے خلاف صرف اخباری اشہار بازی کے ذریعے مسلم لیگ کی اعلی قیادت کو دھوکے میں رکھ کر پارٹی کو مزید تباہی سے دوچار کرنے میں لگے ہوئے ہیں ان خیالات کا اظہار مسلم لیگ ن تحصیل پپلاں کے صدر اور سینئر مسلم لیگی عہدیدار و ممبرمرکزی اور صوبائی کونسل مسلم لیگ ن رانا سعید اختر نے صحافیوں سے گفتگو کرتے ہوئے نئے پارلیمانی بورڈ کے قیام پر اپنے تاثرات دیتے ہوئے کیا۔ انہوں نے مزید کہا کہ 2002 ،2008اور2013کے جنرل الیکشن میں میانوالی میں مسلم لیگ ن کی ضلع میانوالی میں بد ترین شکست اس بات کا واضح ثبوت ہے اور اب ایک بار پھر آنے والے بلدیاتی الیکشن میں مسلم لیگ ن کو ضلع میانوالی میں بھی حکیم ایوب قریشی تباہی اور بربادی سے دوچار کرنے کے ایجنڈے پر چل رہے ہیں اور پرویز مشرف کے آمریت کے دور میں قربانیاں دینے والے نظربندی اور جیلیں کاٹنے والے نظریاتی ورکروں کو دیوار سے لگا کر صرف اپنے چندمن پسند لوگوں کو آگے لانے کے لیئے جستجو کر رہے ہیں اور این اے72کے پارلیمانی بورڈ میں جن مسلم لیگی عہدیداروں کو شامل کیا گیا ہے انکا اس حلقہ سے کوئی تعلق واسطہ بھی نہیں اور جن عہدیداروں کو اس حلقہ سے بورڈ میں شامل کیا گیا ہے وہ خود ایک کونسلر کا الیکشن تک نہیں جیت سکتے وہ بلدیاتی الیکشن میں امیدواروں کا فیصلہ کس طرح کریں گے جن لوگوں کا اپنا میرٹ نہیں بنتا وہ دوسروں کو کس میرٹ پر پارٹی کا امیدوار بنائیں گے انہوں نے قائدین مسلم لیگ ن میاں محمد نواز شریف، میاں محمد شہباز شریف میاں حمزہ شہباز شریف اور دیگر اعلی قیادت سے اپیل کی کہ وہ مسلم لیگ ن میں ہونے والی سازش کے خلاف فوری ایکشن لیں اور پرانے اور نظریاتی ورکروں میں پائے جانے والے تحفظات کو دور کرنے کے لیئے فوری طور پر انکوائری بورڈ بنا کر اس مسئلہ کا حل کریں اور مسلم لیگ ن کو تباہی اور بربادی سے دوچار کرنے والے ٹولہ کا کڑا احتساب کریں وگرنہ بلدیاتی الیکشن میں مسلم لیگ ن ضلع میانوالی ایک بار پھر بد ترین شکست سے دوچار ہونے کا خدشہ ہے۔
