پپلاں( محمد رضوان آکاش) پپلاں کے تاجر خواجہ منظور کی قیادت میں ہونے والے مسلسل احتجاج کی میڈیا میں بھر پور طریقے سے کوریج کے بعد انتظامیہ حرکت میں آگئی، رمضان بازار پپلاں میں سہولتوں کی عدم فراہمی پر تاجروں کی طرف سے ہونے والے مسلسل احتجاج اور مطالبہ پر ڈی سی او میانوالی طلعت محمود گوندل کی خصوصی ہدایت پر ٹی ایم او پپلاں رانا حامد رضا نے فوری طور پر رمضان بازار کی تمام دکانوں کے اوپر شامیانے لگانے سمیت سڑک کے ساتھ ساتھ کناتیں نصب کروا دیں رمضان بازار پپلاں کی خوبصورتی میں بھی اضافہ ہو گیا تاجروں کے مطالبات پورے ہونے پر دکانداروں کا ڈی سی او میانوالی طلعت محمود گوندل ٹی ایم او رانا حامد رضا اور میڈیا کو زبردست الفاظ میں خراج تحسین پپلاں کے معروف تاجر خواجہ منظور کی قیادت میں،قیصر عباس عزیز الرحمن، کامران، شیخ بشیر، عمران مانی،اشفاق احمد شیخ، عمران احمد شیخ، شیخ محمد مشتاق اور دیگر درجنوں تاجر گزشتہ کئی دنوں سے رمضان بازار میں سہولتوں کی عدم فراہمی پر اسسٹنٹ کمشنر پپلاں کے خلاف سراپاء احتجاج بنے ہوئے تھے اور رمضان بازار کی چیکنگ کے لیئے آنے والے افسران کے سامنے اپنے مطالبات پیش کر رہے تھے جبکہ گزشتہ روز وزیر اعلی پنجاب کی ہدایت پر خفیہ اہلکاروں کی ایک ٹیم نے بھی رمضان بازار کا دورہ کیا جس میں تاجروں نے اپنے ساتھ ہونے والے امتیازی سلوک پر شدید احتجاج کیا تھا جبکہ آج دوسرے روز بھی اسسٹنٹ کمشنر پپلاں فضل اکبر کے خلاف تاجروں نے شدید نعرے بازی کی۔ڈی سی او میانوالی طلعت محمود گوندل ے تاجروں کو تمام تر سہولتیں فراہم کرنے ی ہدایت کی جس پر ٹی ایم او رنا حامد رضا نے فوری طور پر تاجروں کے تحفظات دور کر دیئے شامیانے اور کناتیں لگنے پر تاجروں میں خوشی کی لہر دوڑ گئی چھوٹے تاجروں نے خواجہ منظور کو انتظامیہ سے مسئلہ حل کروانے پر انکا شکریہ ادا کیا۔
