پائی خیل (نامہ نگار)کافرکی زندگی خودی کے لئے اورمومن کی زندگی خداکے لئے ہے تفصیلات کے مطابق معروف روحانی بزرگ پیرطریقت پیرسیدمحمداسماعیل شاہ روالپنڈی والے نے نواحی علاقہ کی درگاہ طاہری میں محفل پاک سے خطاب کرتے ہوئے کہاکہ کافرکی زندگی دنیاکی زندگی ہے اورمومن کی زندگی دینی زندگی ہے ۔قیامت کے دن کافرکے دلوں پرغشی چہروں پرسیاہی چھاجائے گی مسلمانوں کے دلوں پرخوشی اورچہروں پرروشنی چھاجائے گی کیونکہ جومومن ہوتاہے وہ اپنی زندگی اللہ پاک اوراس کے محبوبﷺکے حکم کے مطابق گزارتاہے مگرکافراپنی زندگی اپنی مرضی سے گزارتاہے ۔اسی لئے دنیاکاسامان کافر کے لئے موت کے بعدکام نہیں آتالیکن مومن کواس کی دنیاموت کے بعدبلکہ قیامت کے دن بھی کام آئے گی ۔جیساکہ اگرکوئی مومن دنیامیں صدقہ جاریہ کرکے جاتاہے موت کے بعدبھی اس کویہ ثواب ملتارہتاہے۔انہوں نے اپنے مریدین ،عقیدت مندوں کوکہاکہ اللہ تعالیٰ کی مخلوق کے ساتھ رحم دلی سے پیش آیاکرو۔اللہ تعالیٰ کی مخلوق کے ساتھ بدسلوکی وایذارسانی کرناحرام وگناہ کبیرہ اورجہنم میں لے جانے والاکام ہے اس لئے مخلوق خداکوایذارسانی کے بجائے حسن اخلاق سے پیش آئیں۔محفل کے اختتام پرعالم اسلام کی سلامتی کے لئے دعائے خیراورلنگرتقسیم کیاگیا۔
