پپلاں( محمد رضوان آکاش) ڈپٹی اپوزیشن ، ڈپٹی پارلیمانی لیڈر اور ڈپٹی آرگنائزر پی ٹی آئی پنجاب سردار محمد سبطین خان کا تحصیل انتظامیہ کی طرف سے پپلاں میں تجاوزات آپریشن میں بے روزگار ہونے والے سینکڑوں متاثرہ دکانداروں کی داد رسی اور تباہ حال کاروبار کی دوبارہ بحالی کے لیئے قائم کیئے گئے سہولت بازار اور اکھاڑی گئی دکانوں کے مقام کا دورہ۔ ریلوے پھاٹک پپلاں کے قریب لگائے گئے احتجاجی کیمپ پر سینکڑوں متاثرہ دکانداروں نے سردار محمد سبطین خان کا والہانہ اور جوش استقبال کیا۔ اس موقع پر سینکڑوں متاثرہ دکانداروں کی نمائندگی کرتے ہوئے نور مکولڈ ڈرنک کارنر کے مالک نور محمد نے اپنے خطاب میں کہا کہ تحصیل انتظامیہ پپلاں نے گزشتہ تیس پینتس سال سے یہاں کاروبار کرنے والے غریب اور چھوٹے دکانداروں کے ساتھ انتہائی ظلم اور بربریت کا مظاہرہ کیا اور ایڈ مسٹریٹر ٹی ایم اے فضل اکبر نے ہمارے ساتھ جو سلوک روا رکھا ہے وہ انتہائی شرمناک ہے سبزی گوشت اور فروٹ بیچ کر اپنے بچوں کا پیٹ پالنے والے سینکڑوں غریب دکانداروں کی چھوٹی چھوٹی دکانوں کو مسمار کر دیا گیا اور ہمیں بے روز گار کر دیا گیا حالانکہ گزشتہ کئی سالوں سے ضلعی ہیڈ کوارٹر میانوالی اور کندیاں میں ا یسی جگہ پر مضان بازار لگائے جا رہے ہیں جہاں کسی غریب اور چھوٹے دکاندار کو بے روزگار نہیں کیا گیا لیکن اپنی ضد اور ہٹ دھرمی کیوجہ سے انتظامیہ نے سابق مسلم لیگی ایم پی اے فیروز جوئیہ کی ایما پر ہمارے خلاف انتقامی کاروائی کی اس لیئے غریب اور بے روزگار لوگوں کے ساتھ ہونے والے اس ظلم اور زیادتی پر ہمیں انصاف دلایا جائے۔ اس موقع پر ڈپٹی اپوزیشن ، ڈپٹی پارلیمانی لیڈر اور ڈپٹی آرگنائزر پی ٹی آئی پنجاب سردار محمد سبطین خان نے اپنے خطاب میں تمام متاثرہ دکانداروں سے مکمل اظہار یک جہتی کرتے ہوئے کہا کہ ہم اس فعل کی شدید ترین مذمت کرتے ہیں اور میرے سیاسی حریف فیروز جوئیہ نے اپنی انتہائی گھٹیا اور ناقص سوچ کا مظاہر کر کے جن غریب اور بے بس لوگوں کے خلاف اپنا انتقام لیا ہے وہ قابل مذمت ہے کیونکہ ووٹ ضمیر کی آواز ہے اور دھونس دھاندلی اور بندوق کے زور پر کسی کے دل نہیں جیتے جا سکتے ووٹ ہمیشہ پیار اور محبت سے ملتے ہیں انہوں نے کہا کہ یہ وقت سیاست کا نہیں نہ ہی میں یہاں سیاست کرنے آیا ہوں میرے شہر کے جن سینکڑوں غریب لوگوں کو جس انتقام کا نشانہ بنایا گیا یہ سب پی ٹی آئی کے یا میرے ووٹر نہیں اس میں تمام دوسری سیاسی پارٹیوں کے ووٹرز ہیں انہوں نے کہا کہ انتظامیہ کا فرض تھا کہ وہ حلقہ کے منتخب نمائندوں سابقہ نمائندوں مقامی صحافیوں تاجروں کے نمائندوں اور ان چھوٹے چھوٹے غریب دکانداروں کے نمائندوں کو اعتماد میں لیتے اور آپس میں بیٹھ کر مشاورت سے اس مسئلہ کا مناسب حل نکالتے لیکن مجھے تو انتظامیہ کی طرف سے کیئے جانے والے آپریشن کا علم ہی نہیں تھا اور آپریشن کے بعد مجھے میڈیا کے نمائندوں نے پپلاں میں ہونے والے اس ظلم اور زیادتی بارے آگاہ کیا اور میڈیا کے نمائندے اس بات کے گواہ ہیں جو اس وقت یہاں موجود ہیں سردار محمد سبطین خان نے تمام متاثرہ دکانداروں کو کہا کہ آپ لوگ اپنی پانچ رکنی کمیٹی تشکیل دیں میں میڈیا کے نمائندوں کے ہمراہ آپ کی کمیٹی کے افراد کو لیکر اے سی پپلاں سے مذاکرات کر کے اس مسئلہ کا حل کراؤنگااگر انہوں نے اس مسئلہ کا حل نہ نکالا تو کمیٹی کے افراد اور میڈیا کے نمائندوں کے ساتھ نئے ڈی سی او میانوالی سے اس مسئلہ پر بات کریں گے اور انشاء اللہ آپ لوگوں کا مسئلہ حل کیا جائے گا اگر انتظامیہ نے مذاکرات کے ذریعے مسئلہ کا حل نہ نکالا تو ہم اپنے آئندہ کا لائحہ عمل تمام متاثرہ دکانداروں کے ساتھ مل کر نکالیں گے اور اگر ہمیں اس مسئلہ پر احتجاج کاراستہ اختیار کرنے پر مجبور کیا گیا تو اسکی قیادت میں خود کرونگا اور یہاں دھرنا بھی دینا پڑا تو دینگے تمام متاثرہ تاجروں نے سردار محمد سبطین خان کو سہولت بازار اور متاثرہ مقامات کا دورہ بھی کروایا اور تاجروں سے اظہار ہمدردی اور یک جہتی کرنے پر انکا شکریہ ادا کیا اور سابق مسلم لیگی ایم پی اے ملک فیروز جوئیہ کے خلاف اپنی شدید نفرت کا اظہار کرتے ہوئے انکی انتقامی کاروائی کی مذمت کی۔
