پپلاں( محمد رضوان آکاش)پی ٹی آئی کی اعلی قیادت کا ڈپٹی اپوزیشن و ڈپٹی پارلیمانی لیڈر پنجاب سردار محمد سبطین خان کو پاکستان تحریک انصاف پنجاب کا ڈپٹی آرگنائزر مقرر کر نا نہ صرف پورے ضلع میانوالی کے لیئے ایک اعزاز ہے بلکہ پارٹی قیادت کی طرف سے اُن کو اس اہم اہم عہدہ کی ذمہ داری سونپنا انکی اعلی صلاحیتوں کا اعتراف ہے ، اس فیصلہ سے پی ٹی آئی میانوالی کے تمام کارکنوں میں خوشی کی لہر دوڑ گئی ہے اور کارکنوں میں نیا جوش اور ولولہ پیدا ہوا ہے ہم ڈپٹی اپوزیشن ، ڈپٹی پارلیمانی لیڈر اور ڈپٹی آرگنائزر پی ٹی آئی پنجاب سردار محمد سبطین خان کو اس اہم عہدے کی ذمہ داریاں ملنے پر دلی مبارکباد پیش کرتے ہیں ان خیالات کا اظہار پی ٹی آئی کے رہنما ڈاکٹر ثاقب محمود جوڑا نے میڈیا کے نمائندوں سے گفتگو کرتے ہوئے کیا انہوں نے مزید کہا کہ ہم توقع رکھتے ہیں کہ پارٹی کی تنظیم نو انٹرا پارٹی الیکشن کے انعقاد اور بلدیاتی الیکشن کے لیئے میرٹ پر پی ٹی آئی کے کارکنوں کا بطور امیدوار انتخاب کرنے کے لیئے سردار محمد سبطین خان ایک اہم رول ادا کریں گے اور تمام کارکنوں کو ایک پلیٹ فارم پر متحد کرکے پارٹی کو مزید منظم اور فعال بنائیں گے اور انشاء اللہ آنے والے بلدیاتی اور جنرل الیکشن میں پی ٹی آئی ایک ناقابل شکست قوت کے طور پر ابھرے گی ۔ ڈاکٹر ثاقب محمود جوڑا نے سردار محمد سبطین خان کو اپنے بھر پور تعاون کا یقین دلایا ۔ انہوں نے مزید کہا کہ گزشتہ دنوں پپلاں کی نا اہل تحصیل انتظامیہ کی طرف سے غریب کھوکا مالکان ریڑھی بانوں اور چھابڑی فروشوں کے خلاف کی جانے والی انتقامی کاروائی انتہائی قابل مذمت ہے اور ہم اسکی شدید ترین الفاظ میں مذمت کرتے ہیں انہوں نے کہا کہ مسلم لیگ ن کی موجودہ حکومت عوام دشمن اور غریب کش پالیسوں پر عمل پیرا ہے اور ملک کے غریب عوام کو پہلے ہی مہنگائی اور بے روزگاری کی چکی میں پیسا جا رہا ہے تحصیل پپلاں کی انتظامیہ نے جن غریب لوگوں کے خلاف ایکشن لیکر اُن کو بے روزگار کیا ہے اسکو کوئی بھی ذی شعور شہری اچھی نظر سے نہیں دیکھتا اور پی ٹی آئی تمام متاثرہ اور غریب لوگوں کی آواز ہر فورم پر بلند کرے گی ڈاکٹر ثاقب محمود جوڑا نے مزید کہا کہ گزشتہ کئی سالوں سے ٹی ایم اے پپلاں کے عوامی فلاح و بہود کے کروڑوں روپئے کے فنڈز کو بے دردی سے لوٹا جا رہا ہے اور عوام کے ٹیکسوں کا پیسا عوام پر خرچ کرنے کی بجائے صرف مخصوص افراد کی جیبوں میں جا رہا ہے اور پنجاب حکومت کی طرف سے صوبہ سے کرپشن اور لوٹ مار کے خاتمے کے بلندو بانگ دعووں میں کوئی حقیقت نہیں اورپنجاب حکومت اور حکومتی پارٹی خود کرپٹ اور بد دیانت لوگوں کی سرپرستی میں لگی ہوئی ہے انہوں نے وزیر اعلی پنجاب چیف سیکریٹری سیکریٹری بلدیات، کمشنر سرگودھا ڈویژن اور میانوالی میں تعینات ہونے والے نئے ڈی سی او طلعت محمود گوندل سے مطالبہ کیا کہ وہ تحصیل پپلاں میں ہونے والی کرپشن اور لوٹ مار کا فوری ایکشن لیں اور جن غریب اور دیہاڈی دار لوگوں کا کاروبار تباہ کیا گیا ہے اور جن متاثرہ لوگوں کی دکانیں آپریشن کے دوران جلی ہیں انکو پورا پورا معاوضہ دیکر ان کا روزگار بحال کیا جائے بصورت دیگر پی ٹی آئی کے تمام کارکن غریب لوگوں کے ساتھ مل کر احتجاج پر مجبور ہو گی۔
