پپلاں( محمد رضوان آکاش)پاکستان مسلم لیگ ن تحصیل پپلاں کے سینئر نائب صدر حاجی حق نواز مانک کو اچانک دل کا شدیددورہ حالت تشویشناک ،علاج معالجہ کے لیئے پی اے ای سی اسپتال چشمہ کے انتہائی نگہداشت کے وارڈ میں داخل کرا دیا گیا۔ مسلم لیگی رہنما حاجی ملک حق نواز مانک کو گزشتہ روز جنڈانوالہ سے واپسی پر دل کا شدید دورہ پڑا جس کی وجہ سے وہ بے ہوش ہو گئے اور انہیں فوری طور پر علاج معالجہ کے لیئے پی اے ای سی چشمہ کے اسپتال میں لیجایا گیا جہاں ڈاکٹروں نے انہیں انتہائی تشویشناک صورت حال کے باعث سی سی یو میں داخل کر لیا اپنے مسلم لیگی ساتھی کی شدید بیماری پر مسلم لیگ ن کے سینئر رہنما و اسیر جمہوریت تحصیل صدر پپلاں رانا سعید اختر کی صدارت میں مسلم لیگ ن کے پپلاں سیکریٹریٹ میں ہنگامی اجلاس کا انعقاد، ہنگامی اجلاس میں ملک محمد آصف، خالد محمود ملک ، حاجی مرتضی بلوچ ملک اختر علی چوہان، راجہ بشیر احمد رانا مرسلین، ملک ندیم، ممتاز شاہ حافظ محمد اشرف بلوچ ملک عبدالرشید، شیخ عبدالحمید محمود بیگ، حاجی محمد امین اور دیگر مسلم لیگی ورکروں نے شرکت کی اس موقع پر حاجی حق نواز مانک کی شدید علالت پر مسلم لیگی رہنماؤں نے تشویش کا اظہار کرتے ہوئے اپنے ساتھی کی جلد صحت یابی کے لیئے دعا کی۔ بعد ازاں مسلم لیگ ن تحصیل پپلاں کے صدر رانا سعید اختر کی قیادت میں مسلم لیگ ن تحصیل پپلاں کے عہدیداروں اور ساتھیوں نے گزشتہ رات چشمہ اسپتال میں جا کر حاجی حق نواز مانک کی عیادت کی اور انکی جلد صحت یابی کے لیئے دعا کی، سابق ناظم علووالی ملک محمد حنیف مانک حاجی عبدالکریم مانک سیٹھ محمد صدیق مانک انجمن رفاع عامہ علووالی کے جنرل سیکریٹری ملک نذیر عمرمانک کالم نگار صحافی ملک عبدالمجید حاجی محمد صادق سیٹھ سمیت دیگر درجنوں افراد اور مسلم لیگ ن کے ورکروں نے بھی حاجی ملک حق نواز مانک کی شدید علالت پر انکی خیریت دریافت کی اور انکی جلد صحت یابی کے لیئے دعا کی ۔ حاجی ملک حق نواز مانک نے شدید علالت پر انکی خیریت دریافت کرنے اور دعا کرنے والوں کا شکریہ ادا کیا۔
