پپلاں(محمد رضوان آکاش)ڈی پی او میانوالی سرفراز خان ورک نے کہا کہ جرائم پیشہ افراد چاہے کتنے ہی طاقتور کیوں نہ ہوںیا اُن کو کسی بھی بڑی سے بڑی شخصیت کی پشت پناہی حاصل ہو انہیں نہ تو معاف کرونگا اور نہ ہی کوئی رو رعایت دی جائے گی میری اولین ترجیع میں منشیات فروشی جوئے کے اڈوں، ڈکیتوں اور سود خوروں کا خاتمہ اور اشتہاری ملزمان کی فوری گرفتاری شامل ہے انشاء اللہ میانوالی کو اس لعنت سے پاک کر کے دم لونگا۔ میرا میڈیا اور عوام کے توسط سے اشتہاریوں کو پیغام ہے کہ وہ رضا کارانہ طور پر اپنی گرفتاریاں پیش کریں بصورت دیگر قانون انکا پہاڑوں اور جنگلوں سمیت ہر جگہ پیچھا کرے گا اور انہیں کہیں چھپنے کی جگہ نہیں ملے گی ان خیالات کا اظہار انہوں نے ٹی ایم اے پپلاں کے سبزہ زار میں لگائی گئی پہلی کھلی کچہری سے خطاب کرتے ہوئے کیا۔ اس موقع پر ڈی ایس پی پپلاں فرخ سہیل سندھو، اسسٹنٹ کمشنر پپلاں فضل اکبر، ٹی ایم او پپلاں رانا حامد رضا اور ایس ایچ او پپلاں انسپکٹر محمد ارشد گوندل، ایس ایچ او ہرنولی عمران یعقوب اور ایس ایچ او کندیاں شیر علی چھینہ کے علاوہ میڈیا کے نمائندوں انجمن تاجراں کے عہدیداروں اور شہریوں سمیت سائلین کی کثیر تعداد موجود تھی۔ انہوں نے کہا کہ کھلی کچہریوں کے انعقاد سے عوام کے مسائل سے آگاہی ہوتی ہے اور میں روائتی کھلی کچہریاں منعقد کرنے یا پولیس افسران کی تعریفیں سننے کا ہرگز قائل نہیں مجھے کام چاہیئے اور تھانوں میں عوام کو انصاف فراہم کرنا ہماری بنیادی ذمہ داری ہے میں نے میانوالی میں تعیناتی کے وقت ہی ضلع بھر کے پولیس افسران کو ہدایت کی کہ وہ نشہ کرنے والوں کی بجائے منشیات فروشوں کو پکڑیں اور اب تک درجنوں منشیات فروش جیل میں جا چکے ہیں۔ ضلع بھر کے تھانوں سے ٹاؤٹ ازم کا مکمل خاتمہ کرنے کے لیئے ہنگامی اقدامات اٹھا رہا ہوں اور تمام تھانوں کے ٹاؤٹوں کی لسٹیں تیار ہو چکی ہیں میرا آپ سب لوگوں کے لیئے پیغام ہے کہ اگر کسی تھانہ میں کوئی ٹاؤٹ گیری کرتا ہے کوئی منشیات فروش ہو یا سود خوری یا جوئے کے اڈے چلاتا ہو تو میرے موبائل نمبر پر رابطہ کر کے مجھے آگاہ کریں میں نے پہلے بھی میڈیا کے توسط سے اپنا ذاتی موبائل نمبر دے دیا ہے اور اگر ضلع بھر کے کسی بھی شہری کو کوئی شکایت دینی ہو یا کوئی معلومات دینی ہو تو میرے ذاتی موبائل نمبر 03215379999 پر مجھے کال کریں یا ایس ایم ایس بھیجیں انشاء اللہ عوامی شکایات کا فوری اذالہ ہو گا۔انہوں نے کہا کہ نہ صرف ضلع بھر کے تمام تھانوں میں مصالحتی کمیٹیوں کو فعال کیا جائے گا بلکہ اس کا دائرہ کار یونین کونسل سطح تک بڑھایا جائے گا تاکہ چھوٹے چھوٹے مسائل گھر کی دہلیز پر حل ہوں انہوں نے کہا کہ ضلع بھر کے امن پسند اور شریف شہری آگے آئیں اور میری ٹیم کا حصہ بنیں میرا سب سے وعدہ ہے کہ انشاء اللہ آپ لوگوں کو ایک مثبت تبدیلی نظر آئے گی اس موقع پر شہریوں نے پرچوں کے اندراج نہ ہونے تھانوں میں ٹاؤٹ مافیا کے راج سمیت نجی مسائل بارے ڈی پی او میانوالی کو آگاہ کیا جن کے متعلق انہیں نے موقع پر ہی احکامات صادر کیئے۔ بعد ازاں ڈی پی او میانوالی سرفراز خان ورک نے تینوں تھانوں میں درج ہونے والے قتل اور دیگر سنگین وارداتوں کے مقدمات کی یکسوئی کے لیئے تمام تھانوں کے متاثرہ خاندانوں سے ملاقات کی اور پولیس کو فوری اقدامات اٹھانے کی ہدایت کی شہریوں نے ڈی پی او میانوالی سرفارز خان ورک کو انقلابی اقدامات اٹھانے پر زبردست الفاظ میں خراج تحسین پیش کیا اور انکا بھر پور ساتھ دینے کا اعلان کیا۔ ڈی پی او میانوالی نے کہا کہ سود خوروں نے ضلع بھر میں ایک منظم نیٹ ورک قائم کیا ہوا ہے اور لکی کمیٹیوں اور انعامات کا لالچ دیکر لوگوں کو لوٹنے والوں کا بتدریج قلع قمع کیا جائے گا اس کے لیئے مجھے میڈیا اور شہریوں کے تعاون کی ضرورت ہے اور مجھے اطلاع دینے والوں کا نام صیغہ راز میں رکھا جائے اور جرائم پیشہ افراد کے خلاف سخت ایکشن لیا جائے گا۔ انہوں نے مزید کہا کہ میں کھلی کچہریوں کا آغاز پپلاں سے کیا ہے اور ہر ماہ میں کھلی کچہری منعقد کی جائے گی جبلہ ضلع بھر کے تمام تھانوں میں اس سلسلہ کو جاری رکھا جائے گا۔
