پائی خیل(نامہ نگار)پائی خیل میں سورج سوانیزے پربجلی کی غیراعلانیہ لوڈشیڈنگ اورکم وولٹیج سے الیکڑونکس اشیاء کام چھوڑگئیں تفصیلات کے مطابق پائی خیل میں سورج سوانیزے پرآگیاگرمی کی شدت میں بے پناہ اضافہ،گرمی کی وجہ سے دن دس بجے کے بعدسڑکیں اورگلیاں سنسان نظرآنے لگیں ۔بچے ،عورتیں اورضعیف العمرگھروں میں محسورہونے لگے جبکہ نوجوان گرمی کی شدت کم کرنے کے لئے تھل نہرکا رخ کرنے لگے ۔تربوزاورمشروبات کااستعمال بڑھ گیاہے سڑکوں ،گلیوں،چوراہوں پرمشروبات کی سبیلیں لگ گئیں ۔بارانِ رحمت کے لئے خصوصی دعائیں کی جارہی ہیں۔علاوہ ازیں بجلی کی ظالمانہ غیراعلانیہ لوڈشیڈنگ اورکم وولٹیج سے فریج اورپانی کی موٹریں کام چھوڑگئیں ۔عوامی وسماجی حلقوں نے بجلی کی ظالمانہ غیراعلانیہ لوڈشیڈنگ کادورانیہ کم اوروولٹیج پوری کرنے کامطالبہ کیاہے۔
