پائی خیل (نامہ نگار)نواحی علاقہ موچھ کے معروف اور ممتاز صحافیوں سید محسن حسنین شاہ، ملک محمد عثمان وٹو، مطیع اللہ خان سیالوی نے پریس کلب موچھ میں شامل ہوکر سینئر صحافی رحمت اللہ خان ہزارے خیل کی قیادت پر مکمل اعتماد کا اظہار کردیا اس موقع پر پر یس کلب موچھ کی رکنیت حاصل کرنیوالے صحافیوں مطیع اللہ خان سیالوی، ملک محمدعثمان اور محسن حسنین شاہ کے اعزاز میں ایک پروقار تقریب کا انعقاد کیا گیا جس میں ڈسٹرکٹ پریس کلب میانوالی کے سیکرٹری جنرل محمد یونس خان ، مقامی صحافیوں کوثر عمران ، احسان اللہ خان، امان اللہ خان بجلی، جمیل احمد خان ، ظہیر اقبال خان ، ساجد منصور شاہ سمیت دیگر صحافیوں نے شرکت کی اور نئے آنے والے صحافی ممبران کا پرتپاک طریقے سے استقبال کرتے ہوئے انکے گلے میں پھولوں کے ہار ڈالے اور پڑھے لکھے صحافیون کی صلاحیتوں کا اعتراف کرتے ہوئے انکو پیشہ ورانہ صحافتی سرگرمیوں کا نئے سرے اور نئے عزم سے بھرپور طریقہ سے آغاز کرنے کا خیر مقدم کیا اور کہا کہ صحافت مقدس پیشہ ہے جسے عبادت و امانت سمجھ کر ادا کرنا پریس کلب موچھ کے صحافیون طرہ امتیاز ہے لہذا ہمیں اپنا قلم علاقہ اور ضلع کی ترقی اور عوام کی خوشحالی کیلئے استعمال کرکے جابر سلطان کے سامنے کلمہ حق کہنا چاہیے نئے ممبران نے پروقار پارٹی کے انعقاد پر پریس کلب موچھ کے ممبران کا شکریہ ادا کرتے ہوئے اپنی جانب سے ہر قسم کے تعاون کی یقین دلانی کراتے ہوئے کہا کہ ہم قلم کا احترام ملحوظ خاطر رکھتے ہوئے پیشہ ورانہ فرائض بلا خوف و خطر سر انجام دیں گے۔
