لاہور: مسلم لیگ ن ٹریڈرز ونگ پنجاب کے جنرل سیکرٹری الحاج زبیر احمد نیکہاہے کہ کراچی اپریشن کسی سیاسی پارٹی کے خلاف نہیں صرف مجرموں کو کیفر کردار تک پہچانے کے لئے ایکشن لیا جارہاہے۔انہوں نے کہا پوری قوم کو اپنی بہادر افواج پر مکمل اعتماد ہے فوج کی کردارکشی کرکے’’ را ‘‘سے مدد مانگنے والے ملک وقوم سے مخلص نہیں ہیں موجودہ حالات میں میاں نواز شریف قوم کی آخری امید ہیں وہ خدمت کی سیاست پریقین رکھتے ہیں ان کا عوام سے اٹوٹ تعلق اور محبت کا ثبوت ہے عوام نے دھرنوں کی سیاست ،احتجاج اور جلاؤ گھیراؤکی باتیں کرنے والوں کو مسترد کرکے میاں نواز شریف کو ایک بار پھر اعتماد کاووٹ دیاہے۔الحاج زبیر احمد نیکہا کراچی کو جرائم پیشہ افرادنے یر غمال بنا رکھا تھا حکومت نے ہر قیمت پر کراچی کی روشنیاں بحال کرنے کا عہدکررکھاہے ایسے عناصرکو پوری قوت سے کچلنے کے لئے حکومت پر عزم ہے اس لئے فوج کی کردارکشی کرکے’’ را ‘‘سے مدد مانگنے کی بجائے حکومت کی رٹ تسلیم کرنے میں ہی عافیت ہے۔
