لاہور: مسلم لیگ ن ٹریڈرزونگ پنجاب کے جنرل سیکرٹری الحاج زبیراحمدنے کہاہے کہ سعودی عرب یمن تنازعہ میں پاکستان کا غیرجانبدار رہنے کا فیصلہ تاریخی ہے اس کے دورس نتائج برآمدہوں گے میاں نواز شریف کی قیادت میں حکومت درست فیصلے کررہی ہے۔انہوں نے کہا سعودی عرب اور یمن دونوں اسلامی ممالک ہیں اس لئے آپس کے معاملات افہام و تفہیم سے حل کئے جائیں تاکہ اسلام دشمن طاقتیں اس مخدوش صورتِ حال سے فائدہ نہ اٹھا سکیں۔ الحاج زبیراحمدنے کہا مسلم امہ اتحاد و اتفاق سے دورِ حاضر کے تمام چیلنجزکا مقابلہ کرسکتی ہے اسلامی سربراہانِ مملکت پر بھاری ذمہ داری عائد ہوتی ہے کہ وہ وقت کی نزاکت کااحساس کریں آپس کے اختلافات مسلمانوں کو کمزور کررہے ہیں۔
