لاہور: سعودی عرب نے ہر مشکل وقت میں پاکستان کی مدد کی ہمارا اس سے لازوال اٹوٹ روحانی رشتہ ہے جو کبھی ختم نہیں ہو سکتاان خیالات کااظہار مسلم لیگ ن تاجرونگ پنجاب کے جنرل سیکرٹری الحاج زبیراحمدنے تاجروں کے ایک وفدسے ملاقات کے دوران کیا۔انہوں نے کہااسلام دشمن قوتیں مسلمانوں کے خلاف سازشیں کررہی ہیں عالمِ اسلام کو ان سے خبرداررہنے کی ضرورت ہے مسلم امہ متحدہوکر ہی دورِ حاضرکے چیلنجزکا مقابلہ کر سکتی ہے۔ الحاج زبیراحمدنے کہا میاں نوازشریف نے سعودی عرب کی مکمل حمایت کااعلان کرکے اربوں مسلمانوں کے دل موہ لئے ہیں اہلیانِ پاکستان کے دل سعودی عرب کے ساتھ دھڑکتے ہیں پاکستان کسی بھی صورت عالمِ اسلام کے عظیم روحانی مرکزکو تنہا نہیں چھوڑ سکتا۔
