لاہور: مسلم لیگ ن ٹریڈرز ونگ پنجاب کے جنرل سیکرٹری الحاج زبیراحمد نے کہاہے کہ حکومت نے ہرقسم کی دہشت گردی ختم کرنے کا تہیہ کررکھاہے اس کے بغیر ترقی و خوشحالی کا خواب شرمندۂ تعبیرنہیں ہو سکتا کیونکہ انتہا پسندی اور دہشت گردی کی وجہ سے لوگ انجانے خوف میں مبتلاہیں اس وقت کروڑوں مسلم لیگی اپنے قائدمیاں نوازشریف کی قیادت میں وطنِ عزیزکے استحکام کیلئے پر عزم ہیں اورہرقسم کی قربانی دینے کیلئے تیار ہیں۔ الحاج زبیراحمد نے کہادہشت گردی کے مکمل خاتمہ تک اپریشن ضربِ عضب جاری رہے گا اس میں کسی کو کوئی شک و شبہ نہیں ہونا چاہیے قوم کو قربانیاں دینے والے شہدا ء پر فخرہے ملک میں انارکی اور خوف وہراس پھیلانے والوں کو قوم کبھی معاف نہیں کرے گی مسلم لیگ ن پاکستان کی ترقی کیلئے مسلسل کوشاں ہے اور دہشت گردی ختم کرنے کیلئے پاک فوج کی قربانیوں کو قدر کی نگاہ سے دیکھتی ہے۔
