لاہور: مساجد اور امام بارگاہوں پردہشت گردی کرنے والے فرقہ وارانہ فسادات کروانا چاہتے ہیں لیکن شیعہ سنی کو لڑانے کی کوئی سازش کامیاب نہیں ہوگی ان خیالات کااظہار مسلم لیگ ن ٹریڈرز ونگ پنجاب کے جنرل سیکرٹری الحاج زبیراحمد نے تاجروں کے ایک وفد سے بات چیت کرتے ہوئے کیا ۔انہوں نے کہاعوام نے اتحاد واتفاق سے ہر فساد کی جڑ ختم کرنے کا تہیہ کرکھاہے فوجی عدالتوں سے دہشت گردی پر قابو پانے میں مدد ملے گی جس سے پائیدار امن قائم ہو گا۔ الحاج زبیراحمد نے کہا میاں نواز شریف کی قیادت میں پاکستان دورِ حاضرکے تمام چیلنجزکا مقابلہ کرنے کیلئے پرعزم ہے انشاء اللہ پاکستان کوسے ہر لحاظ سے مستحکم بنانا حکومت کی اولین ترجیحات میں شامل ہے اس لئے عوام کو تحفظ دینے کیلئے ٹھوس اقدامات کئے جارہے ہیں مسلم لیگ ن ٹریڈرز ونگ پنجاب نے حکومت کو عوام اور تاجروں کی فلاح کیلئے بہت سی تجاویز بھی دی ہیں جن پر ہمدردانہ کرنے کیلئے ہمیں وزیرِ اعلیٰ پنجاب نے یقین دہائی کروا دی ہے۔
