لاہور(پ،ر) دنیا بھر کے مسلمانوں کیلئے گستاخانہ خاکوں کی اشاعت نا قابلِ برداشت ہے نبئ اکرم ﷺ کی توہین مذاہب اور تہذیبوں کو لڑانے کی سازش ہے ان خیالات کااظہارمسلم لیگ ن ٹریڈرز ونگ پنجاب کے جنرل سیکرٹری الحاج زبیر احمد نے اپنے ایک بیان میں کیا۔انہوں نے کہا ہے جسً طرح مختلف سربراہان نے پیرس حملے کی مذمت کی ہے اسی طرح انبیاء کرام کی شان میں گستاخی کو جرم قرار دیا جائے اور عالمی طاقتیں ایسے واقعات کی روک تھام کیلئے اپنا کردار ادا کریں۔الحاج زبیر احمد نے کہا میاں نواز شریف حکومت نے گستاخانہ خاکوں کی اشاعت ہر پلیٹ فارم پر مذمت کرکے پاکستان کی نمائندگی کا حق ادا کردیا ہے دنیا بھر کی انسانی حقوق کی تنظیموں،او آئی سی، مسلم حکمرانوں، اقوامِ متحدہ ،عالمی برادری اور امریکہ وبرطانیہ کی حکومتوں کا فرض بنتاہے کہ وہ فرانسیسی حکومت کو مسلمانوں کے جذبات سے آگاہ کریں اور حرمتِ رسول ﷺ کی نا پاک جسارت کے خلاف آواز بلند کریں۔
