میں دہشت گردی کی پُزور مخالفت اور مذمت کرتا ہوں۔۔۔

یہ میرا بیان ہےکیا آپ نے ابھی تک دہشت گردی کی مذمت نہیں کی۔کتنی عجیب بات ہے ایک یہی حق اپنا ہے اور اسے بھی استعمال میں نہیں لایا۔جلدی کیجئے اب بھی دیر نہیں ہوئی ہے جلدی ایک تند و تیز جملہ مذمت کا بنا کے سوشل میڈیا میں اپ لوڈ  یا شیئر کر دیں ۔نہ جانے ہمارے لوگ اپنا حق استعمال یا لینے میں بھول کیوں کرتے ہیں ۔فرائض کی پرچھائیں تو ہم پہ پڑی ہی نہیں  تو اسے ادا کرنے کا سوال کیسا ۔۔اب ایک ہی کام رہ گیا ہے کہ مذمت کرتے رہئیں اگر وہ بھی وقت پہ ادا نہ ہو تو دل تو دکھے گا نا۔ارے کیا کہا مذمت سے آگے کوئی جانے نہیں دے رہا کون ہے وہ ۔اُس کی تو ایسی کہ تیسی۔ کیا سمجھ رکھا ہے اس نے۔مجھے بتائو نا ۔آپ نہیں جانتے ہیں اسے وہی یار ہیڈ ماسٹر بڑا ہی سخت ہے جب تک اسے تبدیل نہیں کیا جائیگا مذمت سے آگے بات ہی نہیں بنے گی۔کیا تعلق ہے مذمت کا اس ہیڈ ماسٹر کے ساتھ۔۔تعلق ہے جی بڑا تعلق ہے سکرپٹ کے بغیر تو فلم بنتی ہی نہیں اور ہیڈ ماسٹر کے سکرپٹ کے مطابق ہی فلم چل رہی ہے ۔آج کل تو کمپیوٹر کا دور ہے اور اس دور میں ہر پروگرام فیڈ ہوتا ہے کچھ پرگروموں میں وقفہ بہت کم ہوتا ہے اور کچھ میں زیادہ اب جو نئے پروگرام چل رہے اس میں وقفے بہت چھوٹے چھوٹے ہیں اس لئے مذمتی بیان کچھ زیادہ ہی لکھنے اور کہنا پڑیگا۔یار کیسی باتیں کرنے لگے ہو ۔ہیڈ ماسٹر، اٹھک بیٹھک، وقفے، چھوٹے بڑے، کس بات کا ڈر ہے صاف طور پر بیان کیوں نہیں کرتے ہو کس بات کا ڈر ہے؟ ڈر کا ہے کا ڈر ڈر تو اس بات کا ہے کہ ڈر ہی کی وجہ سے تو صاف بات نہیں نکل رہی ہے بات سے بات نکلتی ہے تو چلو بات کر ہی ڈالتے ہیں جیسے ہم سے چھوٹے ہم سے ڈر کر ہماری ہاں میں ہاں ملاتے ہیں ایسے ہی ہم اپنے بڑوں سے ڈر کر ان کی ہاں میں ہاں ملاتے ہیں اور ہمارے بڑے اپنے بڑوں کی ۔کیا سمجھے اب بھی سمجھ نہیں آیا۔کون ہے یار یہ بڑا۔ وہی یار ہیڈ ماسٹر۔ سارے کلاس والے شور مچا رہے ہوتے ہیں کہ ہیڈ ماسٹر ظالم ہے ،یہ سب کچھ ہیڈ ماسٹر ہی کی وجہ سے ہو رہا ہے، ہیڈ ماسٹر سے ہمیں جان چھڑانی چاہئے لیکن ان بے چارے بچوں کی کوئی شینوائی نہیں ہوتی ہے وہ اس لئے کہ سب کے سب اساتذہ ہیڈ ماسٹر کے ساتھ ہیں اور اس کی مرضی و منشا کے مطابق ہی کام کو پایہ تکمیل تک پہنچا دیتے ہیں اگر ایسا نہ ہو تو ان کی تنخواہ بند ۔سمجھا کرو یار کیا کوئی اپنی تنخواہ بند کروانا پسند کرے گا۔ ہر گز نہیں ۔اچھا تو یہ اندر کی بات ہے اور اندر کی بات کیا ہے؟ اس کو سمجھنے کی ضرورت ہے۔ نہیں تو ہم ساری عمر دہشت گردی کی مذمت ہی کرتے رہئنگے۔ ۔