دنیا کے سات عجوبوں سے سبھی واقف ہیں نام گننے کی ضرورت محسوس نہیں کرتا آٹھواں عجوبہ جس کا ذکر نہیں بس کہا جاتا ہے کہ یہی دنیا کا آٹھواں عجوبہ ہے وہ بھی اگر قرار دیا جائے تو ابھی یہ نام غیر سرکاری ہے۔دوسری طرف پہاڑ پر پگڈنڈی سی کیا ہے یہ استفسار کر رہا تھا میرا دوست جی یہ کنجوت کا قدیمی راستہ وہ بڑے حیران اس پگڈنڈی کو دیکھ رہاتھا لگے ہاتھوں میں نے بچپن کا سنا ہوا ایک واقعہ بھی اس کے سامنے گوش گذار کیا۔۔ گلگت میں گاڑیوں کی آمد کے ساتھ ہی گلیت اور کنجوت کے درمیان سفر کے لئےگاڑیاں چلنی شروع ہوگئی تو کنجوت اور گلیت کے درمیان سفر کرنے والے ایک دوسرے سے بخشش مانگ کر اس راستے میں سفر کرتے تھے۔اسی سے آپ اندازہ کر سکتے ہیں کہ یہ پرانا راستہ کتنا دشوار ترین اور خطرناک تھا۔یہ بھی نہ سمجھا جائے کہ یہ بہت پرانی بات ہے یہ سلسلہ تو انیسویں صدی کے درمیان تک جاری تھا۔بس ماضی قریب کی بات ہے۔گپ شپ کے دوران ساتھ ہی بیٹھے ہوئے ساتھی کی واہ کی اونچی آواز سنی تو ہماری نظریں اس کی طرف اٹھی اور وہ زور زور سے واہ واہ کئے جا رہا تھا تھااور ساتھ ہی انگلی کے اشارے سے نشاندہی بھی کر رہا تھا واہ کیا منظر ہے ہمارے سامنے برف سے ڈھکا راکا پوشی پہاڑ کا منظر تھا۔ گاڑی کا بریک لگ چکا تھا اور تمام ساتھی قراقرم ہائی وے میں چہل قدمی کے ساتھ اس حسین منظر کو کیمرے میں محفوظ کرنے لگے ۔کنجوت کے نام سے حیران نہ ہو ں چونکہ پرانے راستے کی بات ہو رہی تھی اس لئے ہنزہ کا قدیمی نام لکھ دیا جی ہاں ہنزہ کا قدیمی نام کنجوت تھا۔اب نہ وہ کنجوت کا نام رہا ہے اور نہ ہی پرانا راستہ بس اس قدیم راستے کی چند نشانیاں پگڈنڈیوں کی شکل میں سکندر آباد نگر سے تا ہنزہ کہیں کہیں پہ نظر آجاتی ہیں۔جسے دیکھ کر اس وقت کے سفر کا سوچ کے ہی رونگھٹنے کھڑے ہو جاتے ہیں۔ اب جس راستے پر ہماری گاڑی فراٹے بھر رہی تھی قراقرم ہائے وے یا شاہراہ قراقرم یا شاہراہ ریشم۔ اسے ہی دنیا آٹھواں عجوبہ کے نام سے جانتی ہے۔اور دو عجوبےایک ساتھ۔ دو عجوبے ایک ساتھ؟ اس لئے کہ شاہراہ قراقرم کے اس پار ملک چین میں ایک دیوار ہے جو دیوار چین کے نام سے مشہور ہے یہ غیر سرکاری نہیں بلکہ سرکاری طور پر مانا ہوا سات عجائب میں اس کا شمار ہوتا ہے ۔ دونوں عجوبےپاکستان کے ہمسایہ ملک چین کے تعمیر شدہ اپنے اندر ایک تاریخ سموئے ہوئے ہیں۔پاک چین دوستی کی علامت یہ شاہراہ جس کا معاہدہ ۱۹۶۳ میں پاک آرمی کے جنرل فلیڈ مارشل محمد ایوب خان حکومت کے دور میں ہوا تھا اور اس کا افتتاح بھی پاک آرمی کے جنرل ضیا الحق کے ہاتھوں ۱۹۷۸ میں تھاکوٹ کے مقام پہ ہوا۔ اسی حساب سے اس شاہراہ کو جنرل ہائے وے کا نام بھی دیا جا سکتا ہے۔ اسے مکمل ہونے میں بیس سال کا عرصہ لگا۔۱۹۷۸ سے لیکر موجودہ دور تک کی معاشی سرگرمیوں اور ان علاقوں میں بسنے والوں کی بود باش میں جو تبدلیاں رونما ہوئی ہیں اس کو دیکھ کر بس اتنا کہا جا سکتا ہے کہ برسوں کی نا اشنا قوم اب دنیا کی دوسری قوموں کے ہم پلہ بننے کی اپنے اندر حوصلہ محسوس کر رہی ہے۔۔ ان باسیوں کی ہمت دیکھ کر اس تبدیلی کے بارے یہی کہا جا سکتا ہے کہ برسوں غلامی کی زندگی بسر کرنے والی قوم کو تبدیل ہوتے ہوتے بھی ایک وقت درکار ہوگا ۔۱۹۷۸ سے تا حال دنیا کاآٹھواں عجوبہ بھی انسانوں کی طرح قدرتی حوادث لینڈ سلائڈنگ ، اندھی اور طوفان اور کبھی زلزلوں سے ٹوٹ پھوٹ کا شکار رہا
