واں بھچراں (ایف یو نیوز) نائب تحصیلدار فتیح اللہ خان کاگراں فروشوں کیخلاف کریک ڈاؤن ‘ ماہ رمضان کے دوران متعدد قصابوں،درجنوں سبزی ،فروٹ فروشوں کو مجموعی طور پر بارہ ہزار روپے جرمانہ کیا ۔نائب تحصیلدار کا کہنا ہے کہ اگرمہنگے داموں اشیائے خوردونوش فروخت کرنے والے باز نہ آئے تو آئندہ جیل کی سیر کرائی جائے گی ۔تفصیلات کے مطابق عوامی شکایت پر نائب تحصیلدار فتیح اللہ خان نے گراں فروشوں کیخلاف کریک ڈاؤن کرتے ہوئے واں بھچراں اور شادیہ میں چھاپے مارکر محمد ارشاد سبزی فروش کو 1000روپے،محمد عدنان قصاب کو1500روپے ،طفیل فروٹ فروش کو1000روپے ،غلام اللہ کر یانہ سٹور کو1500روپے ،محمد یوسف کریانہ سٹورکو 1500روپے،نور عالم سبزی فروش کو 500روپے ،عبدالرحمن فروٹ فروش 500روپے ،نصیر احمد قصاب شادیہ 2500روپے ،شہزاد فروٹ فروش کو500روپے ،غلام عباس کریانہ سٹور کو500روپے ،منور علی فروٹ فروش کو 500روپے ،محمد وارث کو 500روپے جرمانہ کیا ۔اس موقع پر نائب تحصیلدار فتیح اللہ خان نے صحافیوں سے گفتگو کرتے ہوئے کہا کہ سرکاری نرخوں پر اشیائے خوردونوش فروخت نہ کرنے والے دکانداروں کو جیل بھجوانے کے علاوہ بھاری جرمانے بھی کئے جائیں گے، انہوں نے تمام دکانداروں کو متنبہ کی کہ وہ گراں فروشی سے گریز کریں ،سرکاری نرخ نامے نمایاں جگہوں پر آویزاں کریں۔فتیح اللہ خان نے کہا کہ رمضان کے مقدس مہینے میں کسی کو بھی عوام کے ساتھ زیادتی کی اجازت نہیں دیں گے، انہوں نے دکانداروں کو آخری بار وارننگ دیتے ہوئے کہا کہ وہ ضلعی انتظامیہ کے مقررہ نرخوں پر اشیائے خوردونوش فروخت کریں بصورت دیگر آئندہ خلاف ورزی کرنے والوں کو جیل بجھوا دیاجائے گا۔
