لاہور(ایف یو نیوز) مسلم لیگ ن ٹریڈرزونگ پنجاب کے جنرل سیکرٹری الحاج زبیراحمد نے کہا ہے کہ اقتصادی راہداری کا منصوبہ ملکی ترقی میں سنگِ میل ثابت ہوگا مسلم لیگ ن شرافت کی سیاست کی علمبردارہے میاں نوازشریف اپنی تمام تر توانائیاں ملکی ترقی اور جمہوریت کے استحکام کیلئے صرف کررہے ہیں ۔انہوں نے کہا آج ملک بھر میں کہیں بھی غیر اعلانیہ لوڈشیڈنگ نہیں کی جارہی آنے والے دنوں صورتِ حال مزید بہترہوجائے گی وزیرِ اعظم میاں نوازشریف ملک کو بحرانوں سے نکالنے کیلئے سخت محنت کررہے ہیں انہوں نے پانامہ لیکس پر کمیشن بنانے کیلئے چیف جسٹس آف پاکستان کو خط لکھ کر ایک اچھی روایت قائم کی ہے اپوزیشن جماعتیں میں نہ مانوں کی سیاست کررہی ہیں ۔ الحاج زبیراحمد نے کہا جس اندازسے ملک میں ترقی کا دورہ دورہ ہے میاں نوازشریف نے 5 سال پورے کرلئے تو پاکستان ایشیا کا ٹائیگربن کر ابھرے گا اسی خوف نے عمران خان اور دیگر اپوزیشن جماعتوں کو پریشان کررکھاہے۔
