لاہور(ایف نیو نیوز) مسلم لیگ ن شرافت کی سیاست کی علمبردارہے میاں نوازشریف اپنی تمام تر توانائیاں ملکی ترقی اور جمہوریت کے استحکام کیلئے صرف کررہے ہیں ان خیالات کا اظہار مسلم لیگ ن ٹریڈرزونگ پنجاب کے جنرل سیکرٹری الحاج زبیراحمد نے ڈویژنل دفترکی افتتاحی تقریب سے خطاب کرتے ہوئے کیا۔انہوں نے کہا وزیرِ اعظم میاں نوازشریف نے پانامہ لیکس پر کمیشن بنانے کیلئے چیف جسٹس آف پاکستان کو خط لکھ کر ایک اچھی روایت قائم کی ہے اب اپوزیشن جماعتوں کااحتجاج بلاجوازہے ۔ الحاج زبیراحمد نے کہاعالمی طاقتیں پاکستان میں سیاسی و معاشی استحکام نہیں چاہتیں پانامہ لیکس اسی سلسلہ کی ایک کڑی محسوس ہوتی ہے پاکستان کی ترقی کے دشمنوں کے پاس کوئی پروگرام نہیں تنقید برائے تنقید سے ملک کی کوئی خدمت نہیں کی جاسکتی ۔
