لاہور(ایف یو نیوز) مسلم لیگ ن ٹریڈرزونگ پنجاب کے جنرل سیکرٹری الحاج زبیراحمد نے کہاہے کہ وزیرِ اعظم میاں نوازشریف نے پانامہ لیکس پر کمیشن بنانے کیلئے چیف جسٹس آف پاکستان کو خط لکھ کر ایک اچھی روایت قائم کی ہے اب اپوزیشن جماعتوں کو دھرنا سیاست ترک کرکے حکومت سے تعاون کرنا چاہیے۔ انہوں نے کہاعالمی طاقتیں پاکستان میں سیاسی و معاشی استحکام نہیں چاہتیں پانامہ لیکس اسی سلسلہ کی ایک کڑی محسوس ہوتی ہے پاکستان کی ترقی کے دشمنوں کے پاس کوئی پروگرام نہیں تنقید برائے تنقید سے ملک کی کوئی خدمت نہیں کی جاسکتی۔ الحاج زبیراحمد نے کہا پاکستان کی خدمت کرنامیاں نوازشریف کا جرم بن گیاہے لیکن عوام اب بھی میاں نوازشریف کے ساتھ ہیں عمران خان کو اگلے الیکشن میں اپنی اوقات کا پتہ چل جائے گا۔
