لاہور(ایف یو نیوز)پانامہ لیکس پر شور چورمچائے شورکے مترادف ہے عمران خان گذشتہ تین سالوں سے الزامات کی سیاست کررہے ہیں ان خیالات کااظہار مسلم لیگ ن ٹریڈرزونگ پنجاب کے صوبائی جنرل سیکرٹری الحاج زبیراحمد نے تاجروں کے ایک وفدسے ملاقات کے دوران کیا۔انہوں نے کہااصل میں اپوزیشن جماعتیں قومی ترقی، پاکستان کے استحکام اور جمہوریت کو خفیہ اشاروں پر ریل ڈیل کرنے کی سازشیں کررہی ہیں جبکہ میاں نوازشریف کی قیادت میں پوری قوم ملکی سلامتی، جمہوریت کے استحکام اور ترقی کیلئے پرجوش ہے حکومت مخالف جماعتیں کی لانگ مارچ اور دھرنوں کی گیڈربھبھکیوں سے حکومت کوکوئی پریشانی نہیں قوم نے ترقی کے دشمنوں کو بری طرح مستردکردیاہے۔ الحاج زبیراحمد نے کہاپاکستان نے جب سے اقتصادی راہداری پرکام شروع کرنے کااعلان کیاہے نادیدہ قوتیں میاں نوازشریف کی کردار کشی کا کوئی موقعہ ہاتھ سے جانے نہیں دیتیں پانامہ لیکس اسی سلسلہ کی ایک کڑی ہے عمران خان نے رائے ونڈ کا گھیراؤ کرنے کی غلطی کی تو بنی گالہ دور نہیں۔
