میانوالی (ایف یو نیوز)میانوالی کے سینئر صحافی محمودجاوید خان کی وفات پر واں بھچراں کے سینئر صحافیوں نے گہرے دکھ اور افسوس کا اظہار کرتے ہوئے اسے شعبہ صحافت کیلئے ایک بڑا نقصان قرار دیا ۔واں بھچراں کے سینئر صحافیوں رانامحمد اصغر، ظفراقبال محمد خیل،رانا محمد ذیشان کالم نگار،اسلم خان ،شہبازعلی گجر ودیگر نے روزنامہ آوازِمیانوالی کے بانی محمود جاوید خان کی صحافتی خدمات کو شاندار الفاظ میں خراج تحسین پیش کرتے ہوئے لواحقین سے اظہار تعزیت اور مرحوم کیلئے دعائے مغفرت کی ۔رانامحمداصغر سینئر صحافی اور دیگر صحافیوں نے سوگواران خاندان سے تعزیت کرتے ہوئے کہا کہ بلاشبہ محمود جاوید خان ایک بہت بڑا نام تھے جن کی اچانک وفات پر ہر آنکھ اشکبار اور ہر شخص سوگوار ہے ایسے افراد صدیوں بعد جنم لیتے ہیں ،میانوالی میں فروغ صحافت کیلئے انہوں نے لازوال اور تاریخ ساز کردار ادا کیا جسے ہمیشہ یاد رکھا جائیگا ۔
