داؤدخیل(ذوالفقارخان) ڈی پی او میانوالی سرفراز خا ن ورک کی ہدایت پر تعلیمی اداروں کو ملنے والی دھمکیوں کے تناظر میں ممکنہ دہشت گردی سے بچنے کے لیے میانوالی پولیس کی نمل کالج اور دانش سکول ہرنولی میانوالی میں فرضی مشقیں کی گئی۔ جس میں جملہ محکمہ جات کو الرٹ رکھنے ، دہشت گردوں کا مقابلہ کرنے اور سکول کے بچوں کی قیمتی جانوں کو بچانے کے لیے ریہرسل کی گئی۔ ڈی ایس پی پپلاں فرخ سہیل سندھو کی زیرنگرانی کی جانے والی ریہرسل میں ریسکیو1122،ٹی ایم او،سول ڈیفنس،سی ٹی ڈی،ٹریفک اور ہیلتھ کے ملازمین نے شرکت کی ،ڈی پی او میانوالی سرفراز خان ورک نے اس موقع پر کہا کہ میانوالی پولیس انشاء اللہ ہمہ وقت چوکس ہے ۔ہماری پولیس پیش آنے والے کسی بھی ناخوشگوار واقعہ کی صورت میں اس کا ڈٹ کا مقابلہ کرے گی۔ اِن مشقوں سے ہمارے طلبہ میں بھی احساسِ تحفظ بڑھے گا۔
