داؤدخیل(ذوالفقارخان)ڈی پی او میانوالی سرفراز خان ورک کا ریڈیو پاکستان میانوالی میں پروڈیوسر طارق حسن شاہ کے ساتھ لائیو انٹرویو ۔عوام کی لائیو کالز کا جواب ۔عوام کی مشکلا ت کا فوری نوٹس لیا۔ ڈ ی پی او میانوالی سرفراز خان ورک نے ایف ایم ریڈیو میانوالی پرگزشتہ رات لائیو انٹریو کے دوران ڈی پی او میانوالی سرفراز ورک نے اپنے خیالات کا اظہار کیا۔ضلعی پولیس کومل منشیات فروشوں ،سود خوروں ،ڈکیتی ،راہزنی اور اشتہاری مجرمان کے خلاف مجموعی کارکردگی اور جرائم کے خاتمہ میں ملنے والی کامیابیوں کے بارے میں ریڈیو پاکستان میانوالی کے سننے والی سامعین کو آگاہ کیا۔ ڈی پی او نے یقین دلایا کہ آئندہ بھی میانوالی پولیس اسی طرح جرائم کے خاتمہ کے لیے رات دن کام کرتی رہے گی ۔اس کا کریڈٹ میانوالی پولیس کی پوری ٹیم کوجاتاہے جنہوں نے میرا بھرپورساتھ دیا ۔ہر اچھا کام کرنے والے پولیس آفیسر کے حصہ میں نیک نامی اورانعام اور اپنے فرائض درست طرح ادا نہ کرنے والے کے لیے بدنامی اور سزا مقدر ہوتی ہے۔پروگرا م میں براہ راست کالز کے ذریعے عوام نے ڈی پی او سرفرا زخان ورک کی امن کے لیے کوششوں کو سراہا اور ان سے سوالات کیے ۔جس پر ڈی پی او میانوالی نے ان کی مشکلا ت کا فوری نوٹس لیتے ہوئے احکامات جاری کیے۔
