پائی خیل(نامہ نگار)معروف مذہبی راہنماعلامہ مفتی سلطان احمدقادری نے کہاکہ آپﷺکی بعثت اتنی عظیم نعمت ہے جس کامقابلہ دنیاکی کوئی نعمت نہیں کرسکتی۔آپﷺقاسم نعمت ہیں ۔جہاں کی ساری نعمتیں آپ ﷺہی کے صدقے ملی ہیں۔نبی کریمﷺاللہ پاک کی وہ عظیم نعمت ہیں جوتمام جہانوں کے لئے رحمت ہیں ۔آپﷺوجہ تخلیق کائنات ہیں اورآپﷺہی کے ذکرسے یہ دنیاآبادہے حضورپاکﷺکاذکرایساافضل ترین ذکرہے جوخالق کائنات خوداپنے نورانی فرشتوں کے ساتھ ملکرفرماتاہے ۔یہ بات انہوں نے وانڈھی بلوخیل سٹی پائی خیل میں محفل میلادکے شرکائے سے خطاب کرتے ہوئے کی انہوں نے کہاکہ ہمارے بزرگوں نے پاکستان کی بنیاد اینٹ گارے سے نہیں بلکہ اپنے خون اور ہڈیوں سے رکھی تھی اور یہ ملک خداداد پاکستان کلمہ لا الہ الااللہ کے نعرے پر حاصل کیا گیا تھا اور یہی نظریہ پاکستان ہے آج ہمارے دشمن اس نظریہ کو ملیا میٹ کرنے کے ایجنڈے پر تلے ہوئے ہیں انہوں کہا کہ مجاہد ملت مولانا عبد الستار خان نے اپنی ساری زندگی نظریہ پاکستان کے تحفظ کے لئے لگا دی تھی ۔ اس وقت تقاضا دشمن کی آنکھوں میں آنکھیں ڈال کر بات کرنے کا ہے نا کہ اس کے ساتھ محبت کی پینگیں بڑھانے کا انہوں مزید کہا کہ جب تک ہم اپنے اختلافات بھلا کر باہم متحد ہوکر جدوجہد نہیں کرتے اس وقت تک ہمارے دشمن ہم پر مسلط بھی رہیں گے اور ہماری بنیادیں بھی کھوکھلی کرتے رہیں گے۔محفل کے اختتام پرصلوٰۃ وسلام ،لنگرمیلاداورعالم اسلام وملک پاکستان کی سلامتی کے لئے خصوصی دعاکی گئی۔
