پائی خیل(نامہ نگار)آقائے نامدار حضور پر نور حضرت محمد مصطفی ﷺ کی زندگی سیرت طیبہ ہم سب کیلئے مشعل راہ ہے ، اسوہ حسنہ پر عمل کرنے سے ہماری زندگی میں دشواریوں ، پریشانیوں اور مشکلات میں خاطر خواہ کمی ہو سکتی ہے ، صراط مستقیم پر چلنے کا راستہ ترقی کی اصل منزل اور کلمہ طیبہ کے نظریہ کی مضبوطی ہے ، معاشرتی برائیوں کے خاتمہ اور دلی سکون کیلئے نماز کی پابندی اور اللہ کے رسول کے احکامات پر عمل سے دین و دنیا میں ترقی اور آخرت میں جنت ملے گی ، مفکر پاکستان ڈاکٹر علامہ محمد اقبال کا فرمان ہے کہ اگر اللہ کے مقبول اور نیک بندوں میں شامل ہونا چاہتے ہوتو اللہ پاک سے دل لگالو اور اس کے پیارے نبی ﷺ کے عشق کو اپنا اوڑھنا بچھونا بنا لو ان خیالات کا اظہار معروف مذہبی راہنمامفتی جنیدرضاخان قادری نے جامع مسجدعطاء اللہ خان والی میں محفل میلادسے خطاب کرتے ہوئے کیا ہے انہوں نے کہا کہ آج امت مسلمہ احکامات نبوی سے روح گردانی کی وجہ سے ہر سطح پر ذلیل و خوار ہو رہی ہے حالانکہ اللہ پاک کی بارگاہ سے پیارے نبی حضر ت محمد ﷺ کا عشق طلب کرکے مسلمان کامیابی کی کنجی حاصل کرسکتے ہیں انہوں نے کہا کہ اولیا اللہ کی تعلیمات ہمارے لئے سرچشمہ ہدایت ہیں کردار و افکار اولیا اللہ پر عمل پیرا ہو کر عشق خدا اور عشق مصطفی کا حصول ممکن بنایا جاسکتا ہے ، سیکولر نظام تعلیم اور مغربی تہذیب و تمدن ہماری تباہی و برباد ی کا موجب ہیں جبکہ قرآن و سنت میں ناپ تول میں کمی سود ،زنا ، شراب ،قتل و غارت ، گندی زبان فحاشی بے حیائی ناانصافی اور رشوت سے روکا گیا ہے مگر ہم تمام احکامات کو پس پشت ڈال چکے ہیں اور ایمان کے تین درجوں میں سے کمزور ترین درجہ ہاتھ سے اگر روک سکتے نہیں تو کم از کم دل سے برا ضرور جانو مگر لادینی اور طاغوتی قوتیں نوجوانوں سمیت تمام انسانوں کو اپنی اصل منزل سے ہٹا کر گمراہ کیا جا رہا ہے انہوں نے کہا کہ مسلک حق اہلسنت کے علماء کرام معاشرہ میں موجود خرابیوں اور خامیوں کو صرف اور صرف اسلامی تعلیمات اور عشق مصطفی کے ذریعے دور کرنے کیلئے عملاً کوشاں ہے۔انہوں نے حکومت وقت سے غازی ممتازقادری کی رہائی کامطالبہ کرتے ہوئے کہاکہ غازی ممتازقادری قاتل نہیں بلکہ ایک سچے عاشق رسول ﷺہیں۔اس لئے فی الفورغازی ممتازحسین قادری کورہائی دی جائے۔
