لاہور(ایف یو نیوز) قوم کو اپنی بہادر افواج پر فخرہے تنازعۂ کشمیر پر میاں نواز شریف اورجنرل راحیل شریف کے دوٹوک موقف نے عوام کو ایک نیا حوصلہ دیاہے۔ ان خیالات کااظہار ممتاز سماجی شخصیت اور مسلم لیگ ن ٹریڈرز ونگ پنجاب کے جنرل سیکرٹری الحاج زبیراحمدنے میڈیا سے بات چیت کرتے ہوئے کیا۔ انہوں نے کہا پاکستان نے ہمیشہ تمام تنازعات مذاکرات کے ذریعے حل کرنے پر زور دیا ہے اس کے برعکس دہلی نے کبھی سنجیدگی کا مظاہرہ نہیں کیا بھارتی وزیرِ اعظم نریندر مودی مقبوضہ کشمیر کے شہریوں کو اقوامِ متحدہ کی قراردادوں کے مطابق حق خود ارادیت دے کر ایک نئی تاریخ رقم کر سکتے ہیں ۔الحاج زبیراحمدنے کہا عالمی برادری کو مقبوضہ کشمیر میں انسانی حقوق کی پامالی اور بھارتی مظالم کا نوٹس لینا چاہیے مسئلہ کشمیرحل کئے بغیر برِ صغیرمیں پائیدار امن کا قیام ناممکن ہے۔
