پائی خیل (نامہ نگار)انسانی جان کی حفاطت بہت ضروری ہے ایک جان چلی جائے کروڑوں روپے سے واپس نہیں آسکتی۔ان خیالات کااظہارایم این اے حاجی عبیداللہ خان شادی خیل،ایم این اے امجدعلی خان نے پائی خیل واٹرسپلائی کی خستہ حال واٹرٹینکی کامعائنہ کرتے ہوئے کیاانہوں نے کہاکہ دکھی انسانیت کی بے لوث خدمت کرناصدقہ جاریہ ہے انہوں نے معززین علاقہ سے کہاکہ آپ کے حلقہ سے تمام مسائل کے خاتمے اورجرائم کوجڑسے اکھاڑنے کے لئے ہرحدتک جائیں گے۔اس موقع پر آس پاس کے مکینوں نے کہاکہ اب ہمیں اس جگہ بھی وارننگ مل چکی ہے اگریہاں پرحفاظتی انتظامات بروقت نہ کیے گئے توہماراسب کچھ تباہ ہوجائیگا۔دریں اثناء انہوں نے فو ن پرضلعی انتظامیہ سے فی الفورواٹرٹینکی کامعائنہ کے لئے اپنی ٹیم بھیجنے کااعادہ کیا۔اس موقع پرصحافیوں کے علاوہ معززین علاقہ کی کثیرتعدادموجودتھی ۔
