پائی خیل (نامہ نگار)تھل نہرکی پٹری پرہیوی ٹریفک کونہ چلنے کے لئے کھودوائے گئے بڑے بڑے گڑھے حادثات کا باعث بننے لگے ۔تفصیلات کے مطابق تھل نہرکی پٹری پرہیوی ٹریفک کونہ چلنے کے لئے محکمہ انہارکے افسران نے بڑے بڑے گڑھے کھودوادیے ہیں۔جوپیدل اورموٹرسائیکل سواروں کے لئے حادثات کاباعث بننے لگے ہیں ۔ جبکہ محکمہ انہارکے اہلکاروں کی بے حسی کی وجہ سے تھل نہرکی پٹری پربڑے بڑے شگاف پڑچکے ہیں ۔ان شگاف کوبھرنے کی بجائے جگہ جگہ نئے گڑھے کھودوایے جارہے ہیں ۔جس سے پٹری کی حالت دن بدن ابترہوتی جارہی ہے ۔علاوہ ازیں نہرکی پٹری پرخودروجھاڑیاں جنگلات کامنظرپیش کرنے لگی ہیں ۔جس کی وجہ سے نہرکی پٹری پرچلنے والوں کے لئے چوری ،ڈکیتی کی وارداتوں کاخدشہ بڑھ گیاہے۔عوامی وسماجی حلقوں نے چیف محکمہ انہار، ڈی سی اومیانوالی،ایکسین انہاراورارباب اختیارسے نہرکی پٹری پرپہلے سے موجودشگافوں کوپُرکرانے ،کھودے گئے نئے گڑھوں کوبند اورخوردروجھاڑیوں کی صفائی کرانے کافی الفورمطالبہ کیاہے۔
