پائی خیل (نامہ نگار)جانشین رسول ،امام العادلین ،امیرالمؤمنین،ناصردینِ مبین،فاتح اعظم سیدُناحضرت عمرفاروق کی سیرت مینارہ رشدوہدایت ہے۔تفصیلات کے مطابق مدرسہ غوثیہ مہریہ نصیریہ متصل جامع مسجدشیرخیل المعروف شریں والی سٹی پائی خیل میں سیدناحضرت عمرفاروقؓ کے یومِ شہادت کے موقع پرمحفل پاک وقرآن خوانی کااہتمام کیاگیا۔حافظ کریم اللہ چشتی نے خطاب کرتے ہوئے کہاکہ آپؓ کاشمارعشرہ مبشرہ صحابہ کرام میں ہوتاہے ۔عشرہ مبشرہ وہ صحابہ کرام جنہیں آقاﷺ نے ان کی حیات میں ہی جنت الفردوس کی بشارت دی تھی آپؓ کاخاندان اپنی ذاتی وخاندانی وجاہت کے اعتبارسے نہایت ممتازاوربلندمرتبہ کاحامل اورسلسلہ نسب آٹھویں پشت میں حضورنبی کریم ﷺ سے جاملتاہے۔حضورﷺنے آپؓ کے لئے خود دعافرمائی ’’یااللہ!عمربن خطابؓ یاعمربن ہشام دونوں یادونوں میں سے ایک کے ذریعے اسلام کی خدمت فرما‘‘۔آقاﷺ کی دعاشرف قبولیت کوپہنچی اورحضرت سیدناعمرفاروقؓ دائرہ اسلام میں داخل ہوئے تھے۔آپؓ کے اسلام قبول کرنے کے بعد اسلام کوکبھی زوال نہ آیااورمسلمانوں کوکبھی رسوائی کاسامنانہ کرناپڑاتھا۔آپؓ نے عدل وانصاف کی راہ میں کسی بھی غرض اورجذبے کوحائل نہیں ہونے دیا۔آپؓ کے ساڑھے دس سالہ دورِ حکومت میں فتوحات کادائرہ وسیع ہوامجلس شوریٰ اوربیت المال کامحکمہ قائم کیاگیااسلامی ممالک کے مختلف حصوں میں چھاؤنیاں تعمیرکی گئیں تھی آزادعدلیہ کاقیام بھی آپؓ کے دورکابڑاکارنامہ ہے ۔
