لاہور(ایف یو نیوز)میاں نواز شریف کا چار نکاتی امن منصوبہ برِ صغیرمیں پائیدار امن کی ضمانت ہے افسوس بھارت نے امن کا ایک اور موقعہ گنوادیا بھارتی وزیرِ اعظم کو اپنے رویہ پر نظرثانی کی ضرورت ہے ان خیالات کااظہار مسلم لیگ ن ٹریڈرزونگ پنجاب کے جنرل سیکرٹری الحاج زبیراحمدنے تاجروں کے ایک وفدسے بات چیت کرتے ہوئے کیا۔انہوں نے کہا بھارت نے پاکستان کو کبھی دل سے قبول نہیں کیا اسی لئے ورکنگ باؤنڈری اور لائن آف کنٹرول پر سیزفائرکی دھجیاں بکھیری جارہی ہیں جبکہ مقبوضہ کشمیر میں بھارتی فوج نہتے اور بے گناہ مسلمانوں کا قتل ِ عام کررہی ہے میاں نوازشریف نے جنرل اسمبلی میں مؤثر آواز بلندکرکے پاکستان کی ترجمانی کا حق اداکردیاہے۔ الحاج زبیراحمدنے کہا حکومتِ پاکستان نے عالمی برادری کو بھارتی جارحیت سے آگاہ کررہی ہے میاں نوازشریف نے دہشت گردکارروائیوں کے ثبوت مہیا کرکے دنیا کے سامنے بھارت کا اصل چہرہ بے نقاب کردیاہے۔
