سابق صوبائی وزیر نے قادریہ ٹرسٹ برطانیہ کی دیا ر غیر میں جواں سال نسل کی تعلیم و تربیت کے حوالہ سے مثبت سرگرمیوں کو بے حد سراہا
برمنگھم ( ایس ایم عرفان طا ہر سے ) سابق صوبائی وزیر اطلا عات و نشریا ت خیبر پختونخواہ میا ں افتخار حسین کا قادریہ ٹرسٹ برطانیہ کا تفصیلی دورہ ، چیئرمین قادریہ ٹرسٹ صاحبزادہ پیر محمد طیب الرحمن قادری نے قادریہ ٹرسٹ کے زیر اہتمام نئے پروجیکٹس جامع مسجد رحمانیہ اور دیگر پر بریفنگ دی تفصیلا ت کے مطابق پاکستان سے تشریف لا ئے ہو ئے سابق صوبائی وزیر اطلا عات و نشریات میا ں افتخار حسین نے معروف مذہبی و تعلیمی درسگاہ قادریہ ٹرسٹ اسلامک و کمیونٹی ایجوکیشن سنٹر کا تفصیلی دورہ کیا اس موقع پر کونسلر محمد عظیم ، جنرل سیکرٹری مسلم لیگ (ن) برطانیہ راجہ جا وید خان، ڈاکٹر امانت گل ، مفتی محمد عباس ، فقیر خان اور دیگر بھی انکے ہمراہ موجود تھے ۔ سابق صوبائی وزیر نے قادریہ ٹرسٹ کی دیا ر غیر میں جواں سال نسل کی تعلیم و تربیت کے حوالہ سے مثبت سرگرمیوں کو بے حد سراہا اور مستقبل قریب میں جا ری منصوبہ جات کی کامیابی کے لیے دعا بھی کی ۔ان کا کہنا تھا کہ نوجوان نسل کو امن و امان اور رواداری کا پیغام دینے کے لیے اور دہشتگردی و انتہا پسندی کے جراثیم سے محفوظ بنا نے کے لیے سیاسی و مذہبی سطح پر بے حد محنت کی ضرورت ہے ۔ انہو ں نے اس موقع پر خیبر پختونخواہ میں دہشتگردی کے واقعات کی شدید الفاظ میں مذمت کی ۔ انہو ں نے کہاکہ تارکین وطن کو چا ہیے کہ اپنے بہتر اخلا ق اور کردار سے اپنی کمیونٹی پر لگا ئے جا نے والے منفی الزامات کو رد کرنے میں عملی اقدامات اٹھائیں ۔ اس موقع پر چیئرمین قادریہ ٹرسٹ برطانیہ صاحبزادہ پیر محمد طیب الرحمن قادری نے معزز مہمانوں کی آمد پر خوش آمدید کہتے ہو ئے اظہار تشکر کیا ۔ باالعموم پاکستان اور با الخصوص صوبہ خیبر پختونخواہ میں امن و خوشحالی اور دہشتگردی و انتہا پسندی کے خاتمہ کے لیے خصوصی دعا بھی کی گئی۔ اس موقع پر سابق صوبائی وزیر کے ساتھ تشریف لا ئے ہو ئے معززمہمانوں کو چیئرمین قا دریہ ٹرسٹ برطانیہ صاحبزادہ پیر محمد طیب الرحمن قادری کی طرف سے پر تکلف ظہرانہ بھی پیش کیا گیا ۔
