شاعر: احمد نثارؔ
شہر پونہ، مہاراشٹر، بھارت
Email : ahmadnisarsayeedi@yahoo.co.in
نہ حاکمی کے لئے اور نہ ہی شاں کے لئے
جہاں میں آیا ہے تو صرف امتحاں کے لئے
کسک ہے سوز ہے آہ و فغاں کی سیلانی
تمام درد بنے دل کی داستاں کے لئے
سوا خدا کے نہیں ہے تیرا شناسائی
نہ ڈھونڈ غیر میں تو اپنے مہرباں کے لئے
زمیں پہ آیا ہے تو آسماں کی محفل سے
تیرا سفر ہے رواں پھر سے آسماں کے لئے
وہ ناؤ ہے تیری ہستی نثارؔ کھیتا جا
اِسے بنایا گیا بحرِ بیکراں کے لئے
