شاعر: امجد ملک
شاعری نہیں کرتا، شاعری بہانہ ہے
درد دل جو بڑھتا ہے، اسکو سہلاتا ہوں
کرچیاں اداسی کی , جب بدن کو چھو تی ہیں
ڈو بتی سی شاموں میں ، دل کو بہلاتا ہوں
جب اکیلے پن کے عذاب , روح میں اترتے ہوں
چیختے سے لہجوں میں ، گیت گنگناتا ہوں
محفلوں سے ڈرتا ہوں , رونقوں سے خائف سا
بکھرے سوکھے پتوں کو میں گلے لگاتا ہوں
جنکی جیت کی مجھکو ، تھی ازل سے خوائش سی
وہ اگر مقابل ہوں، خود ہی ہار جاتا ہوں
کاٹ لے مقدر کے ، زندگی میں دکھ امجد !
زندگی ہی کتنی ہے ، جسکا غم میں کھاتا ہوں
