پولیو مائی لائی ٹس
(Poliomyelitis)
جسے عرف عام میں پولیو کہتے ہیں ا یک خطرناک بیماری ہے جو پانچ سال کے کم عمر بچوں پر حملہ آور ہوتی ہے اس مرض کا وائرس اعصابی سسٹم کو برباد کرتے ہوئے دیکھتے ہی دیکھتے چند گھنٹوں کے اندربچوں کو ٹانگوں سے معذورکرکے زندگی بھر کیلئے اپاہج بنا ڈالتا ہے اسے بچوں کا فالج بھی کہتے ہیں۔سیرت نبوی، قرآنی تعلیمات اور احکامات کے مطابق زندگی بسر کرنے سے پولیو، کینسر اور دیگر موذی امراض سے بچا جا سکتا ہے۔
پولیو کا وائرس منہ کے راستے انسان کے جسم میں داخل ہو کر انتڑیوں میں پرورش پاتا ہے۔90فیصد مریضوں میں اس مرض کے شروع ہونے کا پتہ ہی نہیں چلتا باقی10فیصدمیں ابتدائی طور پر اس سے بخار، سر درد،الٹیاں،گردن کا اکڑنا اور ٹانگوں میں درد ہوتا ہے۔اس بیماری کا کوئی علاج نہیں.اس مرض کا شکار زندگی بھر کیلئے اپنے خاندان اور معاشرے پر بوجھ بن کے رہ جاتا ہے اور اگر یہ بیٹی ہو تو ماں باپ سارے عمر رونے کے سوا اور کچھ نہیں کر سکتے ۔مگر اس مہلک مرض سے بچاؤ کا واحد حل پولیو ویکسین کے دو قطرے ہیں جوپانچ سال سے کم عمر بچوں کو باقاعدگی کیساتھ پلانے سے بچے اس مرض سے محفوظ رہتے ہیں۔صاف ستھرے ماحول اور ٹائیلٹ باتھ کا بہتر انتظام ہونے اور بچوں کے ٹائیلٹ ٹرینڈہونے کے باعث بھی اس کا وائرس مرجاتاہے۔
پہلی دفعہ17جون94 18ء کو امریکہ کے ڈاکٹر چارلس کیورلی نے چھ بچوں کی موت اور 132بچوں کو پولیو کا شکار ہونے کی تصدیق کی ۔ 1954ء کو پہلی دفعہ پولیو دیکسین کاوسیع پیمانے پر تجربہ کیا گیااور 1955 ء میں اس کی کامیابی کا اعلان کیا اور بتایاگیا کہ یہ ویکسین 80سے90فیصدتک کامیاب رہی ہے۔اس کے بعد امریکی حکومت نے اس کی عام استعمال کی اجازت دیدی ۔
یونیسیف، ورلڈ ہیلتھ آرگینائزیشن، سی ڈی سی(سنٹر فار ڈیسیز کنٹرول اینڈ پریوینشن )اور روٹری انٹرنیشنل دنیا کے چار سب سے بڑے ڈونرزہیں انہوں نے 1988ء میں طے کیا کہ جلد ازجلد دنیا سے پولیو کا خاتمہ کیا جائیگا۔1988ء میں125ملکوں میں 350,000سے زائد بچے پولیو سے معذور ہوئے جبکہ ان اداروں کی کاوشوں کی بناء پر 2013ء میں صرف تین ملک (پاکستان، افغانستان اورنائجیریا) میں یہ مرض باقی رہ گیا اور اس سال میں ان تین ملکوں میں کل160مریض کنفرم ہوئے جبکہ پوری دنیا میں اس سال406مریض سامنے آئے۔
اسی پولیو ویکسین کی بدولت 1988ء سے اب تک دنیا سے پولیو کا99فیصدتک خاتمہ ہوچکا اور ایک کروڑ بچوں کو معذور ہونے اور 15لاکھ بچوں کو مرنے سے بچالیا گیا۔ امریکہ 1991ء جبکہ انڈیا 2011ء سے پولیو فری ملک قرار دے دیا گیا ہے۔روٹری انٹرنیشنل کے رضاکاروں کا عہد ہے کہ 2018ء تک دنیا سے ہر قسم کے پولیو کو ختم کردیا جائے گا۔ جس کیلئے مزید 5.5ارب امریکی ڈالروں کی ضرورت ہوگی۔
یونیسف،ورلڈ ہیلتھ آرگینائزیشن، سی ڈی سی کی امدادکے علاوہ ر وٹری انٹرنیشنل بھی دنیا سے پولیو کے خاتمہ کیلئے اب تک1.2ارب ڈالر(تقریبا ایک کھرب اور بیس کروڑ روپے) خرچ کر چکاہے اس کار خیر میں اب بل اینڈ میلنڈا گیٹس فاؤ نڈیشن بھی شامل ہوچکی ہے جسکے نتیجہ میں رواں سال ابتک دنیا میں پولیو کے صرف 21 مریض سامنے آئے ہیں بدقسمتی سے ان میں سے 20کا تعلق پاکستان اور ایک کا افغانستان سے ہے یعنی اب دنیا کا99فیصد سے ذیادہ پولیو پاکستان میں پایا جا رہا ہے ۔
پاکستان میں پولیو ختم نہ ہونے کی ایک بڑی وجہ 2012میں اسامہ بن لادن کو پکڑنے کیلئے امریکی حکومت اور سی آئی اے کی ایماء چلائی گئی ڈاکٹر شکیل آفریدی کی جعلی پولیو مہم اور امریکی ڈرون حملوں کے باعث قبائلی مذہبی رہنماؤں اور علماء کی برہمی،ہیلتھ کےئر سٹاف کو دھمکیا ں ان پر حملے ،کم و بیش 67پولیو ورکرز کی شہادت اور 48سے زیادہ کا شدیدزخمی ہونا، اور اس دوران پولیو ورکرز کے فاٹا میں داخلہ پر پابندی،پاکستان کے شہری علاقوں کےْ قدامت پرست اور دیہاتی علاقوں کے ان پڑ ھ لوگوں، خانہ بدوشوں اور جنوبی وزیرستان کے لوگوں کا اپنے بچوں کو پولیو کے قطرے پلانے سے انکار اوراس بیماری کے سنگین اثرات سے لا علمی ہے ۔واضح رہے پولیو ورکرز دشوار گزار راستوں میں زندگی خطرے میں ڈال کراپنے کام کی انجام دہی کیلئے گدھوں پر سفر کرنے کے ساتھ ساتھ موٹر سائیکل اور ہیلی کاپٹر بھی استعمال کر رہے ہیں۔
گزشتہ سال 2014ء میں دنیا میں 360پولیو کیسیز تھے جن میں سے پاکستان میں307کیسیز کی تصدیق کے علاوہ افغانستان میں28،کیمرون 5،ایکویٹوریل گینیا 5،ایتھوپیا ایک،عراق2،شام ایک،نائیجیریا6،اور صومالیہمیں5 کیسیز کی تصدیق ہوئی تھی ۔
رواں سال 2015 پاکستان میں 20معصوم بچوں کو پولیو نے زندگی بھر کیلئے معذور و اپاہج کر دیا ہے۔جن میں سے خیبر پختونخواہ میں 8، فاٹا 6،بلوچستان3 اورسندھ میں4 جبکہ پنجاب اور گلگت بلتستان ابھی تک پولیو سے پاک ہیں۔پولیو کے تمام مریضوں کا جنیاتی تعلق پشاور سے بتایا جاتاہے جس کی وجہ سے پشاور کو دنیا کے پولیوکا گڑھ اور ایکسپورٹر کے نام سے جانا جاتا ہے لہذا یہ بدنامی ختم کرنے کیلئے صوبائی و مرکزی حکومتوں سمیت تمام متعلقین کو سنجیدگی سے کام اور مربوط کوششیں کرنا ہونگی۔
پاکستان میں ہیلتھ ایمرجنسی نافذ ہے اور یہاں سے بیرون ملک سفر کرنے والے تمام لوگوں کیلئے سفر سے پہلے پولیو ویکسین پینا لازمی جبکہ شمالی وزیرستان سے پولیو کے قطرے پےئے بغیر لوگوں کی ملک کے دوسرے علاقوں میں ہجرت سے پولیو کا خطرہ مزید بڑھ گیاہے۔پاکستان، افغانستان اور نائجیریا )تینوں اسلامی ممالک )دنیا میں پولیو کے حوالہ سے خطرناک اور PAN) (کے نام سے جانیوالے ممالک ہیں۔پاکستان اگر پولیو وائرس کو کنٹرول اور ختم نہ کر سکا تو اس پر مزید سخت شرائط اورعالمی پابندیاں،جن میں پاکستان میں غیر ملکی امداد، قرض اور سرمایہ کاری میں رکاوٹ کے ساتھ ساتھ پاکستانیوں کے بیرون ملک سفر، حج اور عمرہ سمیت مکمل پابندی لگنے کا بھی احتمال ہے۔
لہذ علماء، والدین، سیاسی،مذہبی، سماجی رہنماؤں ،میڈیااور منتخب عوامی نمائندوں کے علاوہ اساتذہ اور سکولوں کی انتظامیہ کو چاہئے کہ پاکستان سے پولیو ختم کرنے کیلئے اپنا بھر پور کردار ادا کرتے ہوئے اپنے اور ارد گرد کے پانچ سال سے کم عمر کے تمام بچوں کو انسداد پولیو کی ہر مہم میں پولیو ویکسین کے دو ،دو قطرے ضرور پلوانے کے ساتھ ساتھ ہیلتھ ایجوکیشن اور آگاہی کے سلسلہ میں حکومت اور روٹری کلب کے ساتھ بڑھ چڑھ کر حصہ لیں۔مذہبی طبقہ بھی آگے بڑھے اور پولیو دیکسین اور پولیو ورکرز کے بارے میں پھیلے منفی تاثر کو زائل کرنے میں اپنا کردار ادا کریں بصورت دیگر چند سال بعدجنوبی وزیرستان سے پولیو سے متاثرہ اپاہج و معذور افرادکا جم غفیر برآمد ہو جائے گا۔اور جب تک دنیا کے کسی بھی ملک میں پولیو کا ایک بھی نیا مریض سامنے آتاگیااس کا وائرس پوری دنیا میں دوبارہ پھیل سکتا ہے۔
واضح رہے کہ اس وقت پاکستان کی کل آبادی انیس کروڑ ساٹھ لاکھ اور پانچ سال کے کم عمر بچوں کی تعدادتین کروڑ چالیس لاکھ ہے جنہیں ہر مہم میں پولیو ویکسین پلانا ضروری ہے۔ پاکستان میں پولیو کے زیادہ مریضوں کا تعلق افغانستان سے ملحقہ قبائلی علاقوں سے ہے جبکہ ہندوستان پہلے ہی پولیو فری ملک قرار دیا جا چکا ہے جہاں مذہبی رہنماؤں کی شمولیت کے بغیریہ کارنامہ ممکن نہ تھا۔دنیا میں عمومی طور پردو ماہ کے بچوں سے لیکر چھ سال کی عمر تک مخصوص وقفوں کے ساتھ مسلسل ویکسین پلا کر بچوں کو اس مرض کا شکار ہونے سے بچایا جاتاہے۔گزشتہ 20سالوں میں دنیا میں20ملین یعنی 2 کروڑ پولیو ورکرز نے تین ارب بچوں کو پولیو کے قطرے پلا کر انسانیت کی بڑی خدمت کی ہے۔وطن عزیز میں چند شدت پسند جنونیوں کے علاوہ تمام مذہبی علماء پولیو ویکسین پلانے کے حق میں ہیں اور جمعہ کے خطبات میں بھی تمام مکتبہ فکر سے تعلق رکھنے والے مذہبی رہنماء اس بارے میں رہنمائی کرتے رہتے ہیں۔ آپ سب لوگوں کی پولیوکے بارے میں شعور اجاگر کرنے کی کوششوں سے وطن عزیز سے 2018ء تک پولیو کا خاتمہ ممکن ہے۔
(Poliomyelitis)
جسے عرف عام میں پولیو کہتے ہیں ا یک خطرناک بیماری ہے جو پانچ سال کے کم عمر بچوں پر حملہ آور ہوتی ہے اس مرض کا وائرس اعصابی سسٹم کو برباد کرتے ہوئے دیکھتے ہی دیکھتے چند گھنٹوں کے اندربچوں کو ٹانگوں سے معذورکرکے زندگی بھر کیلئے اپاہج بنا ڈالتا ہے اسے بچوں کا فالج بھی کہتے ہیں۔سیرت نبوی، قرآنی تعلیمات اور احکامات کے مطابق زندگی بسر کرنے سے پولیو، کینسر اور دیگر موذی امراض سے بچا جا سکتا ہے۔
پولیو کا وائرس منہ کے راستے انسان کے جسم میں داخل ہو کر انتڑیوں میں پرورش پاتا ہے۔90فیصد مریضوں میں اس مرض کے شروع ہونے کا پتہ ہی نہیں چلتا باقی10فیصدمیں ابتدائی طور پر اس سے بخار، سر درد،الٹیاں،گردن کا اکڑنا اور ٹانگوں میں درد ہوتا ہے۔اس بیماری کا کوئی علاج نہیں.اس مرض کا شکار زندگی بھر کیلئے اپنے خاندان اور معاشرے پر بوجھ بن کے رہ جاتا ہے اور اگر یہ بیٹی ہو تو ماں باپ سارے عمر رونے کے سوا اور کچھ نہیں کر سکتے ۔مگر اس مہلک مرض سے بچاؤ کا واحد حل پولیو ویکسین کے دو قطرے ہیں جوپانچ سال سے کم عمر بچوں کو باقاعدگی کیساتھ پلانے سے بچے اس مرض سے محفوظ رہتے ہیں۔صاف ستھرے ماحول اور ٹائیلٹ باتھ کا بہتر انتظام ہونے اور بچوں کے ٹائیلٹ ٹرینڈہونے کے باعث بھی اس کا وائرس مرجاتاہے۔
پہلی دفعہ17جون94 18ء کو امریکہ کے ڈاکٹر چارلس کیورلی نے چھ بچوں کی موت اور 132بچوں کو پولیو کا شکار ہونے کی تصدیق کی ۔ 1954ء کو پہلی دفعہ پولیو دیکسین کاوسیع پیمانے پر تجربہ کیا گیااور 1955 ء میں اس کی کامیابی کا اعلان کیا اور بتایاگیا کہ یہ ویکسین 80سے90فیصدتک کامیاب رہی ہے۔اس کے بعد امریکی حکومت نے اس کی عام استعمال کی اجازت دیدی ۔
یونیسیف، ورلڈ ہیلتھ آرگینائزیشن، سی ڈی سی(سنٹر فار ڈیسیز کنٹرول اینڈ پریوینشن )اور روٹری انٹرنیشنل دنیا کے چار سب سے بڑے ڈونرزہیں انہوں نے 1988ء میں طے کیا کہ جلد ازجلد دنیا سے پولیو کا خاتمہ کیا جائیگا۔1988ء میں125ملکوں میں 350,000سے زائد بچے پولیو سے معذور ہوئے جبکہ ان اداروں کی کاوشوں کی بناء پر 2013ء میں صرف تین ملک (پاکستان، افغانستان اورنائجیریا) میں یہ مرض باقی رہ گیا اور اس سال میں ان تین ملکوں میں کل160مریض کنفرم ہوئے جبکہ پوری دنیا میں اس سال406مریض سامنے آئے۔
اسی پولیو ویکسین کی بدولت 1988ء سے اب تک دنیا سے پولیو کا99فیصدتک خاتمہ ہوچکا اور ایک کروڑ بچوں کو معذور ہونے اور 15لاکھ بچوں کو مرنے سے بچالیا گیا۔ امریکہ 1991ء جبکہ انڈیا 2011ء سے پولیو فری ملک قرار دے دیا گیا ہے۔روٹری انٹرنیشنل کے رضاکاروں کا عہد ہے کہ 2018ء تک دنیا سے ہر قسم کے پولیو کو ختم کردیا جائے گا۔ جس کیلئے مزید 5.5ارب امریکی ڈالروں کی ضرورت ہوگی۔
یونیسف،ورلڈ ہیلتھ آرگینائزیشن، سی ڈی سی کی امدادکے علاوہ ر وٹری انٹرنیشنل بھی دنیا سے پولیو کے خاتمہ کیلئے اب تک1.2ارب ڈالر(تقریبا ایک کھرب اور بیس کروڑ روپے) خرچ کر چکاہے اس کار خیر میں اب بل اینڈ میلنڈا گیٹس فاؤ نڈیشن بھی شامل ہوچکی ہے جسکے نتیجہ میں رواں سال ابتک دنیا میں پولیو کے صرف 21 مریض سامنے آئے ہیں بدقسمتی سے ان میں سے 20کا تعلق پاکستان اور ایک کا افغانستان سے ہے یعنی اب دنیا کا99فیصد سے ذیادہ پولیو پاکستان میں پایا جا رہا ہے ۔
پاکستان میں پولیو ختم نہ ہونے کی ایک بڑی وجہ 2012میں اسامہ بن لادن کو پکڑنے کیلئے امریکی حکومت اور سی آئی اے کی ایماء چلائی گئی ڈاکٹر شکیل آفریدی کی جعلی پولیو مہم اور امریکی ڈرون حملوں کے باعث قبائلی مذہبی رہنماؤں اور علماء کی برہمی،ہیلتھ کےئر سٹاف کو دھمکیا ں ان پر حملے ،کم و بیش 67پولیو ورکرز کی شہادت اور 48سے زیادہ کا شدیدزخمی ہونا، اور اس دوران پولیو ورکرز کے فاٹا میں داخلہ پر پابندی،پاکستان کے شہری علاقوں کےْ قدامت پرست اور دیہاتی علاقوں کے ان پڑ ھ لوگوں، خانہ بدوشوں اور جنوبی وزیرستان کے لوگوں کا اپنے بچوں کو پولیو کے قطرے پلانے سے انکار اوراس بیماری کے سنگین اثرات سے لا علمی ہے ۔واضح رہے پولیو ورکرز دشوار گزار راستوں میں زندگی خطرے میں ڈال کراپنے کام کی انجام دہی کیلئے گدھوں پر سفر کرنے کے ساتھ ساتھ موٹر سائیکل اور ہیلی کاپٹر بھی استعمال کر رہے ہیں۔
گزشتہ سال 2014ء میں دنیا میں 360پولیو کیسیز تھے جن میں سے پاکستان میں307کیسیز کی تصدیق کے علاوہ افغانستان میں28،کیمرون 5،ایکویٹوریل گینیا 5،ایتھوپیا ایک،عراق2،شام ایک،نائیجیریا6،اور صومالیہمیں5 کیسیز کی تصدیق ہوئی تھی ۔
رواں سال 2015 پاکستان میں 20معصوم بچوں کو پولیو نے زندگی بھر کیلئے معذور و اپاہج کر دیا ہے۔جن میں سے خیبر پختونخواہ میں 8، فاٹا 6،بلوچستان3 اورسندھ میں4 جبکہ پنجاب اور گلگت بلتستان ابھی تک پولیو سے پاک ہیں۔پولیو کے تمام مریضوں کا جنیاتی تعلق پشاور سے بتایا جاتاہے جس کی وجہ سے پشاور کو دنیا کے پولیوکا گڑھ اور ایکسپورٹر کے نام سے جانا جاتا ہے لہذا یہ بدنامی ختم کرنے کیلئے صوبائی و مرکزی حکومتوں سمیت تمام متعلقین کو سنجیدگی سے کام اور مربوط کوششیں کرنا ہونگی۔
پاکستان میں ہیلتھ ایمرجنسی نافذ ہے اور یہاں سے بیرون ملک سفر کرنے والے تمام لوگوں کیلئے سفر سے پہلے پولیو ویکسین پینا لازمی جبکہ شمالی وزیرستان سے پولیو کے قطرے پےئے بغیر لوگوں کی ملک کے دوسرے علاقوں میں ہجرت سے پولیو کا خطرہ مزید بڑھ گیاہے۔پاکستان، افغانستان اور نائجیریا )تینوں اسلامی ممالک )دنیا میں پولیو کے حوالہ سے خطرناک اور PAN) (کے نام سے جانیوالے ممالک ہیں۔پاکستان اگر پولیو وائرس کو کنٹرول اور ختم نہ کر سکا تو اس پر مزید سخت شرائط اورعالمی پابندیاں،جن میں پاکستان میں غیر ملکی امداد، قرض اور سرمایہ کاری میں رکاوٹ کے ساتھ ساتھ پاکستانیوں کے بیرون ملک سفر، حج اور عمرہ سمیت مکمل پابندی لگنے کا بھی احتمال ہے۔
لہذ علماء، والدین، سیاسی،مذہبی، سماجی رہنماؤں ،میڈیااور منتخب عوامی نمائندوں کے علاوہ اساتذہ اور سکولوں کی انتظامیہ کو چاہئے کہ پاکستان سے پولیو ختم کرنے کیلئے اپنا بھر پور کردار ادا کرتے ہوئے اپنے اور ارد گرد کے پانچ سال سے کم عمر کے تمام بچوں کو انسداد پولیو کی ہر مہم میں پولیو ویکسین کے دو ،دو قطرے ضرور پلوانے کے ساتھ ساتھ ہیلتھ ایجوکیشن اور آگاہی کے سلسلہ میں حکومت اور روٹری کلب کے ساتھ بڑھ چڑھ کر حصہ لیں۔مذہبی طبقہ بھی آگے بڑھے اور پولیو دیکسین اور پولیو ورکرز کے بارے میں پھیلے منفی تاثر کو زائل کرنے میں اپنا کردار ادا کریں بصورت دیگر چند سال بعدجنوبی وزیرستان سے پولیو سے متاثرہ اپاہج و معذور افرادکا جم غفیر برآمد ہو جائے گا۔اور جب تک دنیا کے کسی بھی ملک میں پولیو کا ایک بھی نیا مریض سامنے آتاگیااس کا وائرس پوری دنیا میں دوبارہ پھیل سکتا ہے۔
واضح رہے کہ اس وقت پاکستان کی کل آبادی انیس کروڑ ساٹھ لاکھ اور پانچ سال کے کم عمر بچوں کی تعدادتین کروڑ چالیس لاکھ ہے جنہیں ہر مہم میں پولیو ویکسین پلانا ضروری ہے۔ پاکستان میں پولیو کے زیادہ مریضوں کا تعلق افغانستان سے ملحقہ قبائلی علاقوں سے ہے جبکہ ہندوستان پہلے ہی پولیو فری ملک قرار دیا جا چکا ہے جہاں مذہبی رہنماؤں کی شمولیت کے بغیریہ کارنامہ ممکن نہ تھا۔دنیا میں عمومی طور پردو ماہ کے بچوں سے لیکر چھ سال کی عمر تک مخصوص وقفوں کے ساتھ مسلسل ویکسین پلا کر بچوں کو اس مرض کا شکار ہونے سے بچایا جاتاہے۔گزشتہ 20سالوں میں دنیا میں20ملین یعنی 2 کروڑ پولیو ورکرز نے تین ارب بچوں کو پولیو کے قطرے پلا کر انسانیت کی بڑی خدمت کی ہے۔وطن عزیز میں چند شدت پسند جنونیوں کے علاوہ تمام مذہبی علماء پولیو ویکسین پلانے کے حق میں ہیں اور جمعہ کے خطبات میں بھی تمام مکتبہ فکر سے تعلق رکھنے والے مذہبی رہنماء اس بارے میں رہنمائی کرتے رہتے ہیں۔ آپ سب لوگوں کی پولیوکے بارے میں شعور اجاگر کرنے کی کوششوں سے وطن عزیز سے 2018ء تک پولیو کا خاتمہ ممکن ہے۔
