اے خالق و مالکِ ارض و سما۔۔۔۔تیرے لطف و عطا کا کیا کہنا ذرے ذرے سے ملتا ہے پتہ۔۔۔۔تیرے لطف و عطا کا کیا کہنا اول تُو ہے، آخر تُو ہے۔۔۔۔مخفی تو ہے، ظاہر تو ہے تجھ سے خالی نہ کوئی جگہ۔۔۔۔تیرے لطف و عطا کا کیا کہنا تو ہی مالک ، تو ہی خالق۔۔۔۔تو ہی مولا، تو ہی رازق ہے تیرا کرم ہر صبح و مسا۔۔۔۔تیرے لطف و عطا کا کیا کہنا گلشن میں تو، صحرا میں تو۔۔۔۔پھولوں کو ہے تیری جستجو ہے مدح سرا دریا، صحرا ۔۔۔۔تیرے لطف و عطا کا کیا کہنا بندوں پر ہے احسان تیرا ۔۔۔۔سر آنکھوں پر فرمان تیرا بھیجے مُرسل، بھیجے انبیاء۔۔۔۔تیرے لطف و عطا کا کیا کہنا ہیں نعمتیں تیری حد سے سِوا ۔۔۔۔ہیں رحمتیں تیری ہر ہر جا ہر اِک نعمت ہے بیش بہا۔۔۔۔تیرے لطف و عطا کا کیا کہنا بخشش کی تجھ سے طلب ہم کو۔۔۔۔ہے تیری رضا سے مطلب ہم کو سلطان احمد کی ہے یہ دعا۔۔۔۔تیرے لطف و عطا کا کیا کہنا
