منظم حیات، پاکپتن
ملکی حالات پر بات کی جائے تو ملکی حالات دن بدن بگڑتے جارہے ہیں۔ اور ہم سب اس کی لپیٹ میں ہیں ملک کے بگڑے حالات پر سب بات کرتے ہیں مگر کیا آپ کو نہیں لگتا ہمیں حالات سنوارنے اور ملک کی بہتری کی طرف دھیان کرنا چاہیے ہم سب کو ایک ہو کر اس پر سوچنا چاہئے امر باالمعروف و نہی عن المنکر کی آواز بلند کرنی چاہئے
قرآن کہتا ہے پس تم میں سے ایک جماعت ایسی ہونی چاہیے جو بھلائی کی طرف بلائے اور نیک کاموں کا حکم کرے اور برے کاموں سے روکے اور یہی لوگ فلاح اور نجات پانے والے ہیں سورۃ آل عمران۔
برائی کو روکنے اور نیکی کا حکم دینا ہم سب پر لازم قرار دیا گیا ہے مگر میں نے دیکھا ہے اس کے متعلق آگاہی کے باوجود بہت کم لوگ آواز اٹھاتے ہیں اور جو حق کی آواز بلند کرتے ہیں ان کی آواز کو دبا دیا جاتا ہے۔
مگر ہم مستقل مزاجی اختیار کریں تو یہ ناممکن نہیں۔ سب سے پہلے ہمارا میڈیا جو جھوٹ کی خبریں پھیلا رہا ہے اس کے متعلق آواز اٹھانا چاہئے جھوٹ کے متعلق قرآن فرماتا ہے جھوٹ برائی کی طرف لے کے جاتا ہے آج معاشرہ برائی کی طرف جارہا ہے اس کا یہ مطلب تو نہیں کہ ہم خبریں سننا بند کردیں برائی پر آنکھیں بند نہیں کی جاتی حق کا نعرہ بلند کیا جاتا ہے اس برائی کی بہت بڑی مثال ٹرانس جینڈر ایکٹ پر پاس ہونے والا بل ہے اللہ نے مرد اور عورت کا جوڑبنایا اور قوم ہم جنس پرستی پر راضی ہوگئی یقیناً پھر قوم کی غیرت کہیں سو چکی ہے۔ ملک کے حکمران دین پر باتیں کرتے ہیں ملک میں دین کا نظام رائج نہیں کرتے۔ یہ قول و فعل میں تضاد کیوں؟ پاکستان میں لاالااللہ کی آوازیں اب نہیں گونجتی ہیں،اب بس مہنگائی، لوڈشیڈنگ، سیلاب، زنا، اغوا اور تباہ کاریوں کی آوازیں گونجتی ہیں جس ملک کی بنیاد مثبت سوچ پر رکھی گئی وہاں اس قدر منفی چیزیں۔ غریب کو روٹی کی فکر ہے حکمرانوں کو کرسی کی بچوں کو اغوا کیا جارہا ہے والدین خوف میں مبتلا ہیں عوام اپنی زندگیوں میں مصروف ہے اس زمین پر ظلم کی داستانیں رقم کی جارہی ہیں۔ مگر سب لوگ خاموشی کا لبادہ اوڑھے سب برداشت کررہے ہیں جہاں بولنا ہوتا ہے آخر وہاں ہم خاموش کیوں ہو جاتے ہیں؟ یہ میرا اور آپ کا ملک ہے اس کی بقا کی جنگ ہمیں لڑنی ہے ایک ہو کر ہمیں ہے حکم اذاں کا نعرہ بلند کرنا ہے تاکہ ہر سو ایک آواز گونجے اللہ اکبر اللہ اکبر اللہ اکبر اس نے نعرہ بلند کیا اور وعدہ کیا وہ ملک کی بقا کی جنگ لڑیں گی۔
