ہارون آباد: قائد اللہ اکبر تحریک ڈاکٹر میاں احسان باری نے کہا ہے کہ عمران خان صاحب میں اگر ذار سی بھی پختون غیرت اور “خانی” موجود ہے تو میں اپنے53سالہ اپوزیشنی کردار کے تجربے کی بنیاد پر اپیل کرتا ہوں کہ وہ فوراً اسمبلیوں سے استعفیٰ دے کر باہر آجائیں ۔ جو ان کا استقبال”قومی اسمبلی میں ہوا ہے اس کے بعد انھیں خواہ حالات کوئی بھی ہوں وہاں جانا قابل عزت نہیں ۔ گو عمرا ن گو ،عمران ٹھا ہ ، شرم کرو ،ڈوب مرو ،حیاء کرو ، تھوکا چاٹا ہے وغیرہ نعرے سن کر عمران سمیت تمام پی ٹی آئی ممبران کے لیے وہاں بیٹھنا قطعاً قابل عزت عمل نہ ہے۔ نہ چاہتے ہوئے بھی نواز شریف ، الطاف حسین ،فضل الرحمٰن ، زردای اور اے این پی والوں سے تو ان کا “اینٹ کتے کا بیر” بن چکا ہے ۔ ڈاکٹر باری نے پوری دلسوزی سے عمران خان سے استدعا کی ہے کہ اب اپنی عزت کو بچانے کا اس کے علاوہ اور کوئی طریقہ نہ ہے کہ آپ اپنی قسمت کی دیوی کو آزمائش میں ڈالیں ، دوبارہ انہی حلقوں میں انتخاب میں حصہ لیں اور جیت کر آئیں ۔اگر ان ضمنی انتخابات میں “وہ “دھاندلی کریں گے تو آپ کے لیے تحریک چلانے کا مکمل جواز ہو جائے گا کہ خود ساختہ تمام ذاتی دشمنان کے پاس بیٹھنا آپ کا بنتا ہی نہ ہے یہ بالکل ایسے ہی ہے کہ کوئی سکہ بند مولوی “اس بازار حسن “کے خلاف تبلیغ کرتا کرتا خود وہاں جا پہنچے ۔تو وہاں بیٹھے اور گھومتے پھرتے تماش بین تو مولوی صاحب کو پکڑ کر خاصا بے عزت نہ کریں گے تو اور کیا کریں گے؟آپ نے بھی تو 7ماہ تک ان کا تیا پانچا کیے رکھا تھا اب 2015کا سارا سال اسمبلی کے اندر بقیہ سات آٹھ ماہ تک آپ کے ساتھ بھی یہی سلسلہ جاری رہے گا کہ اس عاشقی میں عزتِ سادات بھی گئی ۔ڈاکٹر باری نے کہا کہ جو مشورہ میں آپ کو دے رہاہوں وہ اور کوئی سیاسی راہنما نہیں دے گا اسمبلی میں آپ کے مخالفین کی تعداد زیادہ ہے وہ آپ کو مزید بے عزتا دیکھنا چاہتے ہیں اور اپنی اپنی باریاں لینا چاہتے ہیں اور آپ کو زچ کرڈالیں گے آپ کو اپنے آپ پر اعتماد ہونا چاہیے آپ کو اپنی جیتی ہوئی سیٹیں لینے کی جنگ لڑنے کا حوصلہ کرنا چاہیے ملک میں سیاسی فضا گرم رہے گی تو آپ کو بھی فائدہ ہوگاآپ مانیں نہ مانیں مگر یہ سارے ملکر انتخابات میں آپ کے خلاف “ڈیفنس پر رہیں گے۔ اگر آپ کے کہنے کے مطابق آپ جعلی مینڈیٹ والی اسمبلیوں اور دھاندلیوں کے ذریعے منتخب ہونے والوں کے ساتھ براجمان رہیں گے تو کند ہم جنس باہم جنس پرواز ۔کبوتر با کبوتر باز باباز کی طرح آپ کا شمار بھی مفاد پرست اور اسمبلیوں کی ممبر شپ کے ذریعے تنخواہیں وصول کرنے اور مال پانی بنانے والوں میں ہو گا ویسے بھی عوامی رائے آپ کے موجودہ عمل کے خلاف ہے پہلے ہی ورکر تو لوٹوں لٹیروں کواپنے ہاں جمع کرنے پر سخت تشنج کی کیفیت میں ہیں ۔لو گ آپ کو اب سیاسی جدوجہد والا عمران نہیں بلکہ دوسروں کی طرح کمپرومائز اور موج میلے والا عام سیاستدان سمجھ رہے ہیں رہا جوڈیشل کمیشن پر آپ کا آسرا تو ایں خیال است ومحال است و جنوں ۔آپ کو اس میں سے کچھ ریلیف نہیں ملے گا۔
