بانی و چیف ایڈیٹر ڈاکٹر ایم اے قیصرؔ کے علاوہ نیوز ایڈیٹر عثمان علی اور سب ایڈیٹر عدنان علی سمیت فاروق آباد اَپ ڈیٹس کے ساری ٹیم یقیناًخراج تحسین کی مستحق ہے ،جنہوں نے ایک سال کے انتہائی قلیل عرصہ میں اپنی بھرپورصحافتی پیشہ وارانہ صلاحیتوں کو بروئے کار لاتے ہوئے www.fqdupdates.comکو دورِ حاضر کی جدید ترین ویب سائیٹس کی صف اول میں پوری شان و شوکت کے ساتھ لا کھڑا کیا ہے ۔لکھاری کا تعلق پاکستان سے ہو یا دیارِغیر سے اپنی تحریروں کو خوبصورت اسلوب اور دلکش انداز کی حامل فاروق آباد اَپ ڈیٹس میں پبلش کروانا باعث اعزاز تصور کرنے لگا ہے۔صرف ایک کلک سے ہوم پیچ وہ سب کچھ جگمانے ،ٹمٹمانے لگتا ہے جو قارئین کی توجہ فوراً اپنی طرف مبذول کرتا ہے جس میں مقامی خبریں، قومی خبریں،بین الاقوامی خبریں، سائنس و ٹیکنالوجی، شوبز، کھیلوں کی خبریں، کالمز و آرٹیکلز، مراسلات، تبصرے، تصویری خبریں، خصوصی رپورٹس، انٹرویوز اور بہت کچھ شامل ہے۔ قارئین کو اہم ویب سائیٹس، ٹی وی چینلز، اہم اخبارات، آن لائن ریڈیووغیرہ فاروق آباد اَپ ڈیٹس کے سرورق پے باآسانی میسر ہوجانے سے گوگل میں لنک سرچنگ کی کوفت سے چھٹکارا مل گیا ٰہے،مختصراً اس ویب سائیٹ پہ ہر فکری تربیت کا سامان موجود ہے ،کمی محسوس ہوئی تو صرف مذہب کے حوالے سے کوئی جگہ تا حال مختص نہیں ہو پائی ۔اِس ویب سائیٹ پہ اچھے لکھنے والے کو مقام دیا جاتا ہے اور اچھا لکھنے کی کوشش کرنے والوں کی خوب حوصلہ افزائی بھی کی جاتی ہے۔قابل ذکر بات یہ کہ ادارہ تحریروں کی نہ صرف سرعت انگیزی سے اشاعت کرتا ہے بلکہ پلک جھپکتے مرسل کو لنک بھی ارسال کردیتا ہے ۔بہر حال ایک سال کے کامیاب سفر کی تکمیل پرمیں اپنے دوست ایڈیٹر ڈاکٹر ایم اے قیصرؔ کو تہہ دل سے مبارک باد پیش کرتا ہوں جو صحافت کے لئے اپنی بے لوث خدمات تجارت نہیں بلکہ عبادت سمجھتے ہوئے پیش کرتے آرہے ہیں۔اور دعاگوہ ہوں کہ انکی محنت،لگن اور خلوص انکی کامیابیوں کا سفر پورے آب و تاب کے ساتھ جاری و ساری رکھے۔

خیر خواہ و دعاگوہ
ایڈیٹر یونیورسل اُردو پوسٹ
حسیب اعجاز عاشرؔ ، دبئی۔متحدہ عرب امارات