فاروق آباد اپ ڈیٹس کے بانی وچیف ایڈیٹر جناب ڈاکٹر محمد علی قیصرؔ صاحب کسی تعارف کے محتاج نہیں ،وہ ایک محنتی ،بااخلاق اور با وقار شخصیت ہونے کے ساتھ ایک نہایت نرم دل انسان بھی ہیں ۔
فاروق آباد اپ ڈیٹس کے بانی وچیف ایڈیٹر جناب ڈاکٹر محمد علی قیصرؔ صاحب کسی تعارف کے محتاج نہیں ،وہ ایک محنتی ،بااخلاق اور با وقار شخصیت ہونے کے ساتھ ایک نہایت نرم دل انسان بھی ہیں فاروق آباد اپ ڈیٹس کی پہلی سالگرہ پر انہیں دلی مبارک باد پیش کرتا ہوں اور اللہ تعالیٰ سے سر بسجود ہو کر انکی ترقی اور کامیابی کیلئے تہہ دل سے دعا گو ہوں ۔ ہر انسان کی شب و روز کی محنت رنگ لاتی اور دنیا میں سرخرو کرتی ہے لیکن اس کیلئے انسان کو تہیہ کرنا پڑتا ہے کہ وہ اپنے کام کو پایہ تکمیل تک پہنچائے گا، چاہے کتنے ہی کٹھن راستوں اور مراحل سے گزرنا پڑے ۔اور دعوے سے کہہ سکتا ہوں پروردگار انہیں انسانوں پر اپنی رحمت کے تمام در کھول دیتا ہے جو محنت اور دلجوئی سے اپنا فرض ادا کرتے اور انسانوں کے ساتھ پیار ومحبت سے پیش آتے ہیں ۔
فاروق آباد اپ ڈیٹس میں وہ تمام مواد موجود ہے جو قارئین کی دلچسپی کے لئے موزوں اور اثر انگیز ہے علاوہ ازیں فاروق آباد اپ ڈیٹس میں قومی و بین الاقوامی خبروں کے علاوہ پاکستان اور دیار غیر میں بسنے والے کئی کالم نگاروں کے تبصرے اور دنیا بھر کے مختلف موضوعات پر تحریر کردہ کالمز موجود ہیں جنہیں قارئین گہری دلچسپی سے مطالعہ کرتے اور مستفید ہوتے ہیں ۔اللہ تعالیٰ سے دعا ہے کہ بھائی ڈاکٹر محمد علی قیصر ؔ اور فاروق آباد اپ ڈیٹس دن دوگنی ، رات چوگنی ترقی کریں۔آمین!
شاہد شکیل (معروف کالمسٹ) ، کولون، جرمنی
Leave a Reply