شاہکوٹ: سرکاری کالجز میں معیار تعلیم بہتر بنانے کے لئے وزیر اعلی کی کاوششیں قابل ستائش ہیں:پروفیسر مظفر سہیل
شاہکوٹ: ڈپٹی ڈائریکٹر کالجز ضلع ننکانہ صاحب پروفیسر مظفر سہیل نے چارج سنبھالنے کے بعد گو رنمنٹ ڈگری کالج شاہکوٹ کا دورہ کیا ۔ اس موقعے پر کالج سٹاف کے ساتھ گفتگو کرتے ہوئے ان کا کہنا تھا کہ ہائر ایجوکیشن ڈپارٹمنٹ وزیر اعلی پنجاب کی خصوصی ہدایت کے مطابق سرکاری کالجز میں معیار تعلیم کو بلند کرنے کے حوالے سے کوشاں ہے۔ انہوں نے کہا کہ حکومت پنجاب کی جانب سے طلبہ میں لیپ ٹاپس کی تقسیم اور سکالرشپس کے اجراء سے طلبہ کی بھرپور حوصلہ افزائی ہوئی ہے۔ انہوں نے اساتذہ اکرام پر زور دیا کہ وہ طلبہ کی تعلیمی رہنمائی کے لئے بھرپور طریقے سے اپنی صلاحیتیں استعمال کریں۔ اس موقعے پر پرنسپل گورنمنٹ کالج شاہکوٹ چوہدری منطور حسین نے ڈپٹی ڈائریکٹر کالجز کا چارج سنبھالنے پر سٹاف کی جانب سے انہیں مبارکباد پیش کی ۔ پرنسپل کا کہنا تھا کہ پروفیسر مظفر سہیل جیسے سینئیر ماہر تعلیم کی تقرری سے ضلع بھر کے سرکاری کالجزپر خوشگوار اثرات مرتب ہوں گے۔ اس موقعے کالج کے استاذہ کرام پروفیسر عبدالحمید چوہدری ، پروفیسر اشفاق تابش ، پروفیسریوسف مغل نے اظہار خیال کرتے ہوئے سرکاری کالجز کے تعلیمی ماحول کو بہتر بنانے کے حوالے سے پروفیسر مظفر سہیل کی کاوشوں کی بھرپور حمایت کا یقین دلایا۔
Leave a Reply